Morwa ruhepo vantu wovanzi kufa konzara nokomauvera gomanzi. Nampili ngomu va kara vantu vamwe nongawo, nye sinzi sovantu kuna kara moruhepo. Bibeli kulikida asi vantu kwa ligwanekera noruhepo siruwo sosire.—Resa Johanesa 12:8.

Mokuhagekesa po ruhepo, pwa hepa epangero eli lya kara nononkondo mokupa vantu navenye yihepwa yawo. Epangero olyo ngali hepa hena kuhagekesa po yita eyi ayi retesa po ruhepo. Karunga ga tumbwidira asi nga reta epangero lyangoso.—Resa Ndaniyera 2:44.

Karunga kwa horowora Munwendi Jesus a kare mupangeli govantu navenye. (Episarome 2:4-8) Jesus nga ka hepurura vanaruhepo ntani nga ka gusa po ukorokotji.—Resa Episarome 72:8, 12-14.

Ngwendi moomu va yi pumbire, “Hompa gombili” Jesus nga ka retesa po mbili nompora mouzuni mudima. Makura navenye ava ngava ka paruka pevhu ngava tunga momambo gavene, ngava hefera yirugana yawo ntani ngava gwana nondya dokugwanena po.—Resa Jesaya 9:6, 7; 65:21-23.