SIRONGWA SOKUHOVA | WOLYE NOMBANGI DAJEHOVA?
Morwasinke atu zuvhisire?
Ose kwa divikwa koyirugana yetu yokuzuvhisa tunda embo zende embo nomononzira ntani nkenye oku atu gwana vantu. Morwasinke atu yi ruganene?
Nombangi daJehova kuzuvhisa mokuyererepeka Karunga nokudivisa edina lyendi. (Vahebeli 13:15) Ose hena kwa hara kulimburukwa Jesus Kristusa ogu ga geve mpangera asi: “Yipo nye nomu zira konomuhoko nadinye, . . . Ka di rongeni, di ka limburukwire nayinye eyi na mu rekera.”—Mateusa 28:19, 20.
Ntani ose kwa hara vakwetetu. (Mateusa 22:39) Ose twa yi diva asi sinzi sovantu va kara nomaukarelikarunga gawo ntani kapisi nkenye gumwe a tambura mbudi zetu. Simpe ose kulizuvha asi marongo gomoBibeli kuparura vantu. Yiyo nye atu dilire ‘kuliguminina, kuronga oku tatu udisa mbudi zongwa kuhamena Kristusa,’ ngwendi moomu va yi rugene Vakriste wokuhova.—Yirugana 5:41, 42.
Mudivinkarapamwe Antonio Cova Maduro kwa tjenge asi: “Nombangi daJehova kulitura mo unene . . . , mokutwara mbudi dogoro oku wa ka twa uzuni.”—El Universal saitunga, zaVenezuela
Vantu ava ava resa yimbapiratjangwa yetu sinzi sawo kapisi Nombangi daJehova. Ntani mamiliyona gava atu lirongo nawo Bibeli, nomaukareli gawo. Nye awo kuyihafera apa atu va dingura.
Nsene ono kara nomapuro kuhamena Nombangi daJehova, gwana malimbururo
-
Pokupura gumwe goNombangi daJehova.
-
Pokutara koIntaneta zetu www.pr418.com./kwn
-
Pokuza komapongo getu, pwa hana mfuto.
Kuvhura o hafere hena
MAPURO
Nombangi daJehova kulizuvha asi yiwo velike ngava ka parura ndi?
Bibeli za tumbura ava ngava ka parura.
MAPURO
Nombangi daJehova va kara novakadi ava ava zuvhisa ndi?
Situmbukira musinke va kara naso vakadi mosirugana sokuzuvhisa uzuni mudima esi ava rugana Nombangi daJehova?
MAPURO
Nombangi daJehova kupulisira maukarelikarunga gapeke ndi?
Lironga o dive omu kudira mpongo aku dimbwilisa Vakriste wousili.
