Malimbururo komapuro goBibeli
Kuvhura tu dive usili kuhamena Karunga ndi?
Morwasinke Karunga ana harere tu dive usili? Resa Johanesa 17:3
Karunga nga uyunga novantu. Age kwa ruganesere mpepo zendi zokupongoka yipo vantu va tjange magano gendi moBibeli. (2 Peturusa 1:20, 21) Kuvhura tu dive usili kuhamena Karunga pokuresa Bibeli.—Resa Johanesa 17:17; 2 Timoteusa 3:16.
MoBibeli kwa kara mo yininke yoyinzi kuhamena Karunga. Amo va tumbura mo eyi ga sitilire vantu neyi nga ka va ruganena komeho ntani nomu ana tu harere tu paruke. (Yirugana 17:24-27) Jehova Karunga ana hara tu dive usili kumuhamena.—Resa 1 Timoteusa 2:3, 4.
Morwasinke a tambwire Karunga ava va hara usili?
Jehova Karunga gosili, ntani kwa tumine Munwendi, Jesus a ya ronge vantu usili. Yipo nye ava va hara usili kwa hara Jesus. (Johanesa 18:37) Karunga kuna hara vantu vangoso va mu karere.—Resa Johanesa 4:23, 24.
Satana Muzonanguli ga kondera vantu wovanzi va dire kudiva Karunga pokuhanesa yimpempa kuhamena Karunga. (2 Vakolinte 4:3, 4) Vantu ava va dira kuhara yoyiwa awo kwa hara marongo goyimpempa. (Varoma 1:25) Vantu wovanzi wonomutjima donongwa kuna kulironga usili kuhamena Karunga kupitira moBibeli.—Resa Yirugana 17:11.
Kuvhura o hafere hena
KUTUHAMENA
Morwasinke natu lirongera Bibeli?
Bibeli kuna kuvatera mamiliyona govantu mouzuni mudima va gwane malimbururo komapuro gomulyo meparu. Ono hara kukara gumwe gwawo ndi?
