VANGARARENI!
2022: Mvhura zoyinka nepiyagano—Yisinke za uyunga ko Bibeli?
Mo-2022 kombudi kava seye ko ndi kava rapotere unene kuhamena yita, udigu woyikwaeparu ntani noyimpagwa younsitwe. Bibeli zelike zokuvhura kufaturura eyi ayi tanta yihorokwa oyo.
Eyi ayi tanta yihorokwa yomo-2022
Yihorokwa eyi ka yi horokere momvhura zina ka pita ka yi pamekere nawa-nawa asi ose kuna kuparuka “pomazuva gopouhura.” (2 Timoteusa 3:1) Mazuva ogo kwa tamekere mo-1914. Tara omu yihorokwa eyi yina kuhoroka pomazuva getu yina kuliza neyi za pumba Bibeli:
“Yita.”—Mateusa 24:6.
“Mo-2022, yita ka yi kundamene hena Europa.” a
Resa sirongwa “Rusia kwa homokera Ukraine.”
‘Esesupo lyonondya.’—Mateusa 24:7.
“Mvhura 2022: Mvhura zonzara unene.” b
Resa sirongwa “Yita moUkraine kuna kuretesa po esesupo lyonondya.”
“Mahamba gomukagu.”—Rukasa 21:11.
“Vantu kava verere uvera wopolio, ntani uvera ou vana kutumbura asi monkeypox ka u kundamene vantu ntani Korona kuna kutwikira simpe kukundama vantu momudona. Maukaro aga ka ga likidire omu mauvera gehamba ga kara siponga ntani omu aga vhuru kukundama vantu.” c
Resa sirongwa “Vantu mamiliyona ntazimwe va fa ko Korona.”
“Mamoneko gokutjilisa.”—Rukasa 21:11.
“Upyu, rukukutu, mpire ntani ruhanzo. Sinema sokurombo somo-2022 ngava si diworoka morwa ka mu horokere yininke yokulisiga-siga eyi ka yi retere ezonauko lyenene ntani mayovi govantu ka ga fire ntani vamwe kava zumbanesere mambo gawo.” d
Resa sirongwa “Upyu kuna kuligwederera unene uzuni mudima.”
‘Maudigu [ndi, “mapiyagano; marwanambo,” nonkango dokonhi].’—Rukasa 21:9.
“Vantu kava lyaterere unene ndi kava meshe mo-2022 morwa kava handukire kuhamena udigu woyikwaeparu, unene po omu mukoso goyininke ka gu rondere.” e
Resa sirongwa “Mukoso goyininke kuna kuzeruka unene mouzuni mudima.”
Yisinke nga yi horoka mo-2023?
Kwato ogu ana diva eyi ngayi horoka mo-2023. Nye eyi tuna diva yeeyi asi ntaantani Uhompa waKarunga ndi epangero lyemeguru nga li reta malitjindjo gomanene pevhu. (Ndaniyera 2:44) Epangero olyo ngali ya gusa po ruhepo oru vana kuligwanekera naro vantu ntani noku divilisa asi mpango zaKarunga kuna ku zi sikisa mo pevhu.—Mateusa 6:9, 10.
Kuna kukukorangeda o kwame mapukururo gaJesus Kristusa ntani ‘nokuvangarara’ ngamoomu yihorokwa eyi yina kuhoroka yina kusikisa mo mauporofete gomoBibeli. (Marukusa 13:37) Kuvhura o tu pure yipo o dive omu Bibeli na zi kuvatera ngesi ntani yipo nove nepata lyoge mu kare nehuguvaro lyokomeho.
a AP News, “Mo-2022, yita ka yi kundamene hena Europa,” Jill Lawless, 8 Sindimba 2022.
b Elikwamo lyonondya mouzuni, “A Global Food Crises, moRuingilisa.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X, moRuingilisa” Lawrence O. Gostin, JD, 22 Sitarara 2022.
d Earth.Org, “What’s Behind the Record-Breaking Extreme Weather Events of Summer 2022?” Martina Igini, 24 Sikukutu 2022.
e Carnegie Endowment for International Peace, “Economic Anger Dominated Global Protests in 2022, moRuingilisa” Thomas Carothers and Benjamin Feldman, 8 Sindimba 2022.
Kuvhura o hafere hena
RUHUNGU
Karunga ntaantani nga ka guse po ruhepo
Ngapi tuna yi diva asi Karunga ntaantani nga ka guse po ruhepo noudona naunye?
MARONGO GOMOBIBELI GOMULYO
Uhompa waKarunga kwa tamekere kupangera mo-1914
Nomvhura 2 600 dina ka pita, Karunga kwa pere hompa gononkondo nzodi ezi zina kusika mo ngesi.
KUTUHAMENA
Tura mo ehundiro
Gwana elimbururo kepuro lyomoBibeli ndi lironga ko yoyinzi kuhamena Nombangi daJehova.
