VANGARARENI!
2023: Mvhura ezi za retera vantu sinka—Yisinke azi uyunga ko Bibeli?
Yininke yinzi eyi ya horoka mouzuni mo 2023 eyi ayi likida asi ose kuna kuparuka posiruwo esi azi tumbura Bibeli asi “mazuva gopouhura.” (2 Timoteusa 3:1) Koneka asi yininke eyi ya kuhoroka ngesi kuna kara yininke yokulifana eyi za pumbire Bibeli asi ngayi horoka momazuva getu.
Bibeli ntani yihorokwa yomouzuni
“Yita nonombudi doyita.”—Mateusa 24:6.
“Nyanya kuna kuligwederera komaruha gomanzi gouzuni.” a
Tara yirongwa “Yilye nga popera vantu ava ava pili kurwa yita?” ntani “Yimaliwa eyi va ruganesa moyita ya pitakana ponotriyona mbali.”
“Komavango gokulisiga-siga, ngaku kara makankamo gevhu.”—Marukusa 13:8.
“Kutundilira mo 2023, makankamo gevhu gokusika po 13 kwa horoka mouzuni, ano ago kuna kara makankamo gomanene va gwana.” b
Tara sirongwa “Devastating Earthquakes Strike Turkey and Syria.” Moruingilisa
“Mamoneko gokutjilisa.”—Rukasa 21:11.
“Upyu ngesi una ligwederere kupitakana nare.”—António Guterres, UN secretary-general. c
Tara sirongwa “Upyu mouzuni mudima posiruwo sokwenye 2023.”
“Nondya ngadi sesupa.”—Mateusa 24:7.
“2023: Kuna kara vhura zoyinka kwava yina kukarera udigu kupakera mbili mapata gawo.” d
Tara sirongwa “Global Food Crisis Fueled by War and Climate Change.” Moruingilisa
“Ngapa kara yiruwo yoyidigu.”—2 Timoteusa 3:1.
“Mouzuni mudima vantu vamwe kwa kara nouvera wopomagazaro.” e
Tara sirongwa “Sinzi sovadinkantu kuna kuhepa pomagazaro.”
Yisinke natu ndindira mo 2024?
Kwato ogu ana diva eyi ngayi horoka mo 2024. Nye eyi yina kuhoroka kulikida asi ntantani Uhompa waKarunga ndi epangero lyemeguru ngali ya pinganena po mapangero govantu ntani nokuhagekesa po yininke eyi ayi retesa poruhepo nosinka.—Ndaniyera 2:44; Ehororo 21:4.
Ngomu tuna kundindira yikahoroke, apa atu kara nosinka kuvhura tu kanderere kwaJehova a tu vatere. Bibeli kutanta asi:
“Nsene guna tororoka nge, ove HOMPA Munankondo nadinye, ninka nge ni huguvare moge.”—Episarome 56:3.
Ngapi omu nani yilikida asi na huguvara mwa Karunga? Kwa ku mu korangeda mu lironge yoyinzi kuhamena matumbwidiro gomoBibeli go komeho omu ngamu dira ruhepo. Heteka kulironga Bibeli nagumwe gwetu mawoko-woko o dimburure omu nove nepata lyoge nomu gwanena mo uwa momatumbwidiro gomoBibeli.
a Foreign Affairs, “A World at War: What Is Behind the Global Explosion of Violent Conflict?” Emma Beals ntani Peter Salisbury, 30 Sikukutu 2023.
b Mbudi kuhamena ekankamo lyevhu, “Mvhura 2023: sivaro somakankamo gevhu kuna kuligwederera,” Kudumonkuru, 2023.
c United Nations, “Secretary-General’s Opening Remarks at Press Conference on Climate,” 27 Pembankuru 2023.
d World Food Programme, “A Global Food Crisis.”
e World Health Organization, “World Mental Health Day 2023,” 10 Sikukutu 2023.
Kuvhura o hafere hena
KUTUHAMENA
Tura mo ehundiro
Gwana elimbururo kepuro lyomoBibeli ndi lironga ko yoyinzi kuhamena Nombangi daJehova.
