Sinzi sovantu kulizuvha asi kwato ogu na vhura kukohonona po maudigu aga nava ligwanekera nago vantu mo-2024. Nye ose kuvhura kukara nehuguvaro lyokomeho. Kupi natu vhura kugwana olyo ehuguvaro?

 Bibeli za tumbwidira asi Karunga nga kohonono po maudigu aga aga tu ninkisa tu dire kukara nehuguvaro. Ntaantani, Karunga “nga kokota mahodi nagenye komeho [getu]. Nomfa kapi ngadi kara ko hena, ntani kuguva nomalirankali nokukora, kapi ngayi kara ko hena.”​—Ehororo 21:4.

•   Mokudiva ko yoyinzi eyi za tumbwidira Bibeli kuhamena meho, resa sirongwa “Ehuguvaro lyewa lyokomeho.”

 Bibeli kugava ehuguvaro lyokomeho eli nali kuvatera o funde po magazaro gomadona ntani nokukara nomutaro gomuwa. (Varoma 15:13) Magano gomoBibeli kuvhura ga kuvatere yipo o vhure kulididimikira maudigu aga ono kuligwanekera nago ngesi ngwendi ruhepo, elininkiliromo ntani uvera.

•   Tara omu ehuguvaro lyomoBibeli lya vaterere mugara gumwe a gwane mbili noruhafo nampili ngomu va mu rerere mepata lyoruhepo. Tarera vidiyo Juan Pablo Zermeño: Jehova kwa pange eparu lyoruhafo.

•   Tara omu Bibeli nazi kuvatera nsene kuna kulizuvha unzoni, ruguwo, yinka ndi nsene wa zumbanesa ogu wa hara. Resa sirongwa “Kuvhura ni gwane nonkango dehangagwido moBibeli ndi?”

•   Tara omu mukadi ogu ga kere mukwayita ogu nga lizuvhu asi “kapi ga kara nosinka kovantu” ga yakere nehuguvaro morwa eyi ga lirongere moBibeli. Tarera vidiyo Naha gekere kukara mukwayita.

 Kuvura o ninke mvhura 2024 zi kare zongwa goge nepata lyoge. Lironga ko yoyinzi omu Bibeli nazi kuvatera. Heteka elirongo lyetu lyoBibeli lyomawoko-woko. Lironga omu Karunga na kupa “magazaro gerago” ngesi ntani “magazaro gokuhamena yokomeho.”​—Jeremiya 29:11.