VANGARARENI!
Vantu mamiliyona ntazimwe va fa ko Korona, Yisinke za uyunga ko Bibeli?
Kuliza noMbunga zoUhaku zomoUzuni ndi asi WHO ka zi rapotere mo-23 Kudumonkuru 2022 asi vantu wokusika pomamiliyona 6.27 kwa fa ko Korona. Nye erapoto eli za geve mo-5 Kudumonkuru 2022 kwa ngungunyikire asi nampo sivaro sovantu ava va fa ko Korona kuvhura si pite opo. Momvhura 2020 no-2021, “vantu ava kava fire kouvera woKorona . . . sivaro sawo kava si ngungunyikire kusika hambara mamiliyona 14.9.” Koyili eyi za uyunga ko Bibeli kuhamena yininke oyo ndi?
Bibeli za pumba kuhamena mauvera
Jesus kwa pumbire asi “pomazuva gopouhura” nga pa kara mahamba gomukagu nomauvera gokulisiga-siga.—Rukasa 21:11, moBibeli Contemporary English Version; 2 Timoteusa 3:1.
Uporofete owo ga pumbire Jesus kuna kusika mo naina. Mokulironga ko yoyinzi, resa sirongwa “Yidiviso yopomazuva gouhura?”
Bibeli kugava ehengagwido
“Karunga ogu a hengagwida . . . kutuhengagwida momaudigu getu nagenye.”—2 Vakolinte 1:3, 4.
Sinzi sovantu ava va zumbanesa vahali vawo monomfa va gwana ehengagwido moBibeli. Lironga ko yoyinzi pokuresa sirongwa “Ngapi no lididimikira neina ruguwo?” ntani “Evatero lyewa kwava vana guwu.”
Bibeli za tumbwidira ku ka yi gusa po
“Uhompa woge u wize. Mpango zoge zi sike mo pevhu ngwendi meguru.”—Mateusa 6:10.
Ntantaani “uhompa waKarunga” ngau ka rugane ko yuma ntani “nagumwe si gomosirongo esi twa kara nga sivana asi ta vere.” (Marukusa 1:14, 15; Jesaya 33:24) Tarera vidiyo Yisinke Uhompa waKarunga? yipo o lironge kuhamena epangero lyemeguru ntani neyi ngali ka rugana.
Kuna ku ku zigida o lironge ko yoyinzi eyi za uyunga Bibeli ntani epata lyoge kuvhura li gwanene mo mauwa momagano nomomatumbwidiro aga ga kara mo.