VANGARARENI!
Vadiviunsitwe kava hedesere Doomsday clock komeho—Yisinke azi uyunga ko Bibeli?
Mo-24 Murongagona 2023, vadiviunsitwe kava hedesere Doomsday Clock a pepi nopokatji komasiku, ayo kufanekesa asi pepi nouhura wouzuni tuna kara.
“‘Doomsday Clock’ kwa fanekesa omu vantu vana kulizonagura po vene. MoUvali, vadiviunsitwe kava hedesere vili ozo unene pokatji komasiku, morwa yita eyi yina kuhoroka moUkraine, noyirwiso youhungu ntani nelitjindjo lyomukarompepo eli lina kuhoroka.”—AFP International Text Wire.
“MoUvali, vadiviunsitwe kava divisire asi vana hedesa ‘Doomsday Clock’ nonosekonde 90 komeho pokatji komasiku, kulikida asi vantu tava lizonagura po unene.”—ABC News.
“Mbunga zovadiviunsitwe ka zi rondwere asi vantu ngesi tava lizonagura po vene unene kupitakana pwanare.”—The Guardian.
Vantu ntani planeta zetu ntaantani va ya zi zonagure po ndi? Kuvhura tu kare nowoma kweyi na yi ka horoka ndi? Yisinke azi uyunga Bibeli?
Eyi twa kundindira komeho
Kuliza noBibeli, “uzuni kapi au, runduruka” ntani koveli vantu ava ngava “tunga mo narunye-narunye.” (Muudisi 1:4; Episarome 37:29) Yipo nye, vantu kapi ngava vhura kuzonagura po evhu dogoro tu dire kuvhura kutunga po.
Nye Bibeli za tumbura uhura. Pasihonena, azo kuuyunga asi “uzuni kuna kuhaga po.”—1 Johanesa 2:17.
Mokudiva ko yoyinzi eyi azi tamba Bibeli apa a zi uyunga kuhamena uhura wouzuni, resa sirongwa “Uzuni kuna kuhaga po ndi? Ezonauko musinke lyokulikarera za pumba Bibeli?
Mokudiva ko yoyinzi kuhamena eyi za uyunga ko Bibeli kuhamena siruwo esi ngau wiza uhura, resa sirongwa “Siruwoke ngau haga uzuni?
Kukara nomutaro gomuwa
Bibeli kuvhura zi kuvatere o kare nomutaro gomuwa nampili kuna kuligwanekera nomaudigu. Ngapi omu na zi kuvatera?
Bibeli kutupa magano gomawa aga na ga tu vatera noyinka yetu yankenye ezuva. (2 Timoteusa 3:16, 17) Pasihonena, resa sirongwa “Omu no lididimikira yinka” o dive omu nokara nomutaro gomuwa nampili kuna kuligwanekera nomaudigu.
Bibeli kugava ehuguvaro lyokomeho. (Varoma 15:4) Azo za faturura eyi na yi horoka ngesi ntani neyi twa kundindira komeho, ehuguvaro olyo kuvhura li tu vatere tu lididimikire maudigu aga tuna kuligwanekera nago ngesi.
Nsene o hara kugwanena mo uwa moBibeli, kuna kukuhundira o heteke elirongo lyetu lyoBibeli lyomawokowoko.
a “Doomsday Clock kuna kara sininke ndi vili ezi va pangera ezi a zi rondora vantu omu vana kuzonagura evhu noyikwakonentu eyi va pangera vene. Azo mbuyungofanekeso, eyi natu vhura kurugana nsene tuna hara kutwikira kuparuka pevhu.”—Bulletin of the Atomic Scientists.
Kuvhura o hafere hena
ESSENTIAL BIBLE TEACHINGS
Morwasinke Karunga ga sitira evhu?
Pevhu kwa zura po yininke yoyiwa sili. Age kwa li tura pevega lyouhunga yipo li likunduruke kezuva nosiputa sokugwanena po. Morwasinke Karunga ga litulire mo mokuwapeka evhu monkedi zangesi?
KUTUHAMENA
Tura mo ehundiro
Gwana elimbururo kepuro lyomoBibeli ndi lironga ko yoyinzi kuhamena Nombangi daJehova.
