MoBibeli kwa kara mo unongo ou nau kuvatera meparu. Nsene o zi resa noku teda ko nkenye ezuva ntani noku tura pasirugana eyi ono kulironga, “ngayi ku wapera nononzira doge.” (Josuwa 1:8; Episarome 1:1-3) Ove ngo diva Karunga namunendi Jesus ntani ediwo olyo ngali kutwaredesa komwenyo gwanarunye.​—Johanesa 17:3.

Ngapi omu no resa Bibeli? Kuvhura o tokore nyamoge. Elikwamo lyereso lyoBibeli kuvhura li kuvatere o rese Bibeli moomu ga li kwama matjangwa ndi kuvhura o rese kuliza noyirongwa. Pasihonena, kuvhura o horowore kuresa ehistoli kuhamena omu Karunga nga tekura Vaisraeli. Kuvhura o horowore kuresa kuhamena omu va totere po mbungakriste mouye wanare ntani nomu za ya kulire. Nsene o resa magaununo gongandi nkenye ezuva, ove ngo mana kuresa Bibeli nazinye momvhura zimwe.

Yikare asi ove kuna kugazadara kuresa Bibeli nkenye ezuva, kuresa bibeli nazinye momvhura ndi omu no tameka kuresa Bibeli, elikwamo eli lyereso lyoBibeli kuvhura li kuvatere. Kwateka elikwamo lyereso lyoBibeli noku tameka kuresa neina.