EZUVHISO LYOKULIKARERA
Eyi ngau ya rugana ko Uhompa waKarunga kuhamena udigu woyikwa eparu
Sinzi sovantu mouzuni mudima, kuva digopera kugwana yimaliwa yokugwanena po ntani ayo kuna kudigopa unene.
Kuliza nerapoto lyantaantani lyouzuni mudima, a vantu kuva vhulika tupu kuranda yininke yoyisesu noyimaliwa eyi ava gwana. Erapoto olyo kurondora asi nsene kapi napa kara elitjindjo, ngapa kara elisigo lyenene pokatji kovantu wonongawo nava woruhepo ntani sinzi somapata gomanzi kapi nga ga kara neparu lyewa kupitakana eparu lyawo lyanare.
Kuvhura epangero ngali guse po maudigu goyikwaeparu ndi ngali rete elitjindjo ndi?
Bibeli kufaturura asi pwa kara epangero eli ngali kohonona po maudigu nagenye goyikwaeparu ntani yininke nayinye ngayi ka hetakana. Azo kuuyunga asi: “Karunga gemeguru nga dika sirongo [epangero],” alyo yilyo lyelike ngali pangera yininke nayinye eyi ngayi horoka pevhu. (Ndaniyera 2:44) Mepangero olyo, kwato ogu ngava divara ndi ngava sigilira. (Episarome 9:18) Epangero lyaKarunga ngali divilisa asi vanavharerwa valyo vana kara neyi vana hepa yipo va hafe. Navenye ngava hafera yitundwamo yoyiwa eyi va ruganena.—Jesaya 65:21, 22.
a International Labour Organization Global Wage Report 2022-23