“Udigu wounene kuhamena mukarompepo kuna kuretera vantu sinka sosinene kukwatera noyitata ntani noyisitwa nayinye. Makundungu gomanene kuna kudida unene morwa elitjindjo lyomukarompepo, ago kuzonagura mambo ntani kuninkisa vantu yi va digopere kutunga. Nkarapamwe zemefuta kuna kara noupyu wounene, ano ngoyitundwamo, ayo kuvhura ngayi ninkise yinamwenyo yemefuta yi fe.”—Inger Andersen, hamutjanga gomombunga zElipakerero lyonomuhoko ntani mugendesi goUN Environment Programme, 25 Pembankuru 2023.

 Mapangero nga ga ruganena kumwe mokukohonona po maudigu aga gana kundama uzuni mudima ndi? Kuvhura ga gwane ekohononopo lyokukarerera komaudigu aga ndi?

 Bibeli kututantera kuhamena epangero eli ngali vhura kukohonona po maudigu gomonkarapamwe apa pevhu. Azo kutanta asi “Karunga gemeguru nga dika sirongo,” epangero eli ngali ya pangera ntani eli ngali ya gusa po maudigu gepevhu. (Ndaniyera 2:44) Mepangero olyo, vantu ‘kapi ngava retesa po yokuremeka ndi yoyidona’ kovantu vakwawo ndi kevhu.—Jesaya 11:9.