Funda po mukuma kumwe novakaume—Omu Bibeli nazi vatera
Mo 2023 Vandokotora yipo va tamekere kudimburura asi mukuma, kuna kara udigu wounene ntani va hepa kurugana ko yuma. Udigu owo kuvhura va u kohonone po ndi?
Ndokotora Vivek Murthy gomoAmerika kwa uyunga asi: “Mukuma ntani kudira kuhara kukara novantu siponga unene koukanguki wetu ntani siponga unene koukalinawa wetu”, Nye age kwagwederera ko asi: “Ose twa kara nononkondo dokurugana ko yuma.” Yisinke natu rugana? “Ose kuvhura tu rugane yininke yoyinunu yipo tunkondopeke elikwatakano lyetu kumwe nava wopeke.” a
Mukuma kapisi yigo gwelike nagu tuninkisa yipo tudire kuhara kukara kumwe novantu. Vamwe simpe kulizuvha mukuma apa ava kara novantu. Yikare asi yisinke ayi kuninkisa o lizuvhe mukuma, Bibeli kuvhura zi ku vatere. Amo kwa kara mo mapukururo aga naga tu vatera tu funde po mukuma po kunkodopeka elikwatakano lyetu kumwe nava wopeke.
Nompango domoBibeli edi nadi ku vatera
Kara neuyungo lyewa. Eyi kapi ya kwatera mo tupu ku tantera wopeke omu ono kulizuvha, Nye kwa kwatera mo kukara mupurakeni gomuwa. Ngomu ono ku likida elituromo kwava wopeke, yimo hena elikwatakano lyeni nali nkondopara.
Mpango zomoBibeli: “Mwa ha kondjera tupu uwa wanyamweni nye kondjereni hena uwa wava wopeke.”—Vafilipi 2:4.
Tulisa po ukaume kumwe novantu wokulisaga siga. Tulisa po ukaume novantu wovakondi, wovanona ndi ava va kara nompo zokulisiga nezi zoge ndi wokosirongo sapeke.
Mpango zomoBibeli: “Zegurureni unene nomutjima deni.”—2 Vakolinte 6:13.
Komauzera gomanzi omu nonkondopeka elikwatakano lyokupama kumwe nava wopeke, resa sirongwa “Satisfying Our Hunger for Friendship.” moRuingilisa
a Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.