Kuliza noBibeli, hompa Ndafita gwaIsraeli kwa parukire mo-11 B.C.E. ntani ruvharo rwendi kwa pangerere nomvhura mafere. Nye vamwe kulipatana asi Ndafita kapi ga kere ko, asi alyo esimwititi tupu va totere nare. Hompa Ndafita yipo ga kere sili ndi?

 Mo-1993, musimaguli Avraham Biran ntani nokambunga kendi kwa gwene emanya moTel Dan, komuzogo gwaIsraeli, ano kemanya olyo kwa tjenge ko asi “Gemezimo lyaNdafita.” Nondanda odo kwa di tjenge morupe omu ngava tjanga nare momvhura 9 B.C.E. Alyo kwa kere emanya eli va dikire Vaarameya apa va fundire Vaisraeli.

 Sirongwa Bible History Daily kwa faturura asi: “Vamwe kapi va yi pura asi nonkango “Gemezimo lyaNdafita” odo va gwene kapi adi likida asi Ndafita yipo ga kere. Nye vakonakoni wovanzi woBibeli ntani novasimaguli va yi pura asi emanya eli va gwene moTel Dan kwa gava umbangi nawa-nawa asi hompa Ndafita ogu va tumbura moBibeli yipo ga kere. Ou kuna kara umbangi womulyo po ou va tjanga moBAR [Biblical Archaeology Review].”