“Ose kwa dimburura asi intaneta kuna kuretesa po uvera wopamagazaro kovadinkantu.”—Ndokotora Vivek Murthy U.S. surgeon general, New York Times, 17 Pembagona 2024.

 Ngapi omu vakurona nava popera vana vawo kosiponga sokuruganesa intaneta? Bibeli kugava magano gomawa.

 Kona-kona nompango edi domoBibeli.

 “Vanandunge kutakamesa nontambo dawo.”—Yisewe 14:15.

 Wa ha lizuvha asi wa hepa kupulisira munoge a ruganese intaneta, morwa kuvhura zi mu kundame momudona. Komeho o pulisire munoge a ruganese intaneta, divilisa asi ana kuru ntani ga kara nonondunge dokukwama noveta edi wa mu tulira po kuhamena siruwo esi na ruganesa intaneta yipo a kare novakaume wovawa noku nyokera po yininke yoyidona.

•   Mokulironga ko yoyinzi, resa yirongwa eyi “Munange a ruganese intaneta ndi?” ntani “Kuronga vana woge omu nava ruganesa nawa intaneta.”

 “Ruganeseni nawa siruwo seni.”—Vaefeso 5:16.

 Nsene o pulisira munoge a ruganese intaneta, tulisa po noveta omu nazi ruganesa ntani mu fatwilira omu nayi mu popera. Nomena malitjindjo monkareso zamunoge yipo o divilise nsene asi wa hepa kusesupika siruwo esi na ruganesa intaneta.

•   Ruganesa vidiyo Takamesa pokuruganesa Intaneta yipo o vatere munoge a kwate egano eyi ya karera nomulyo kukara nelipangero apa atu ruganesa intaneta.

 Bibeli kutanta asi ose kuna kuparuka ‘poyiruwo yoyidigu.’ (2 Timoteusa 3:1-5) Nye azo hena kutupa magano gomawa aga naga tu vatera tu lididimikire. Yirongwa yomoBibeli yokusika po-20 yovakondi novana vawo, kuvhura kuyigwana mosirongwa esi kuhamena uvera wopamagazaro movadinkantu.