EHANESO LYOMURARERO
Jesus nga hagekesa po ruhepo
Apa Jesus ga kere pevhu, age kwa likidire eharo lyenene kovantu, unene po kovana ruhepo ntani kwava va ligwane kerere nomaudigu. (Mateusa 9:36) Age kwa geve eparu lyendi ngo nzambo yipo wopeke va gwanene momauwa. (Mateusa 20:28; Johanesa 15:13) Ntaantani hena, a ya likide eharo lyendi kovantu pokuruganesa upangeli wendi ngaHompa goUhompa waKarunga mokuya hagekesa po ruhepo uzuni naunye.
Mononkango donongwa, Bibeli za faturura eyi ngaka rugana Jesus:
“Hompa ngano ta pangura nawa vahepwe; ngano ta yoworora vanaruhepo.”—Episarome 72:4.
Ngapi omu natu likida rupandu kwa nayinye eyi gatu ruganena Jesus ntani eyi ngaka tu ruganena komeho? mwaRukasa 22:19, Jesus kwa tanterere varongwa vendi va diworoke nomfa dendi. Eyi yiyo nye nkenye mvhura, pediworoko lyonomfa daJesus, Nombangi daJehova kuponga kumwe. Tuna kuzigida mokuyaponga kumwe nose posilika esi sediworoko lyonomfa daJesus moSondaha, 24 Nsinano, 2024.