EHANESO LYOMURARERO
Jesus nga hagekesa po yita
Apa Jesus ga kere pevhu, age kwa likidire eharo lyendi kovantu, pokugava eparu lyendi ngo nzambo zosizoweseso. (Mateusa 20:28; Johanesa 15:13) Ntaantani, hena a ya likide eharo lyendi kovantu pokuruganesa upangeli wendi ngaHompa goUhompa waKarunga mokuya ‘hagekesa po yita mouzuni mudima.’—Episarome 46:9.
Koneka omu Bibeli za faturura eyi ngaka ruganesa Jesus:
“Age kuyoworora vahepwe ava ava mu kugu, nomapongo aga va zumbilira. Age kuretera nkenda varupiranonkondo novahepwe; age kuparura nomwenyo dava vana kara moruhepo. Age kuvayoworora mompatakani nomomahepeko; nomwenyo dawo kwendi kawa kara nomulyo gomunene”—Episarome 72:12-14.
Ngapi omu natu likida rupandu kwa nayinye eyi gatu ruganena Jesus ntani eyi ngaka tu ruganena komeho? mwaRukasa 22:19, Jesus kwa tanterere varongwa vendi va diworoke nomfa dendi. Eyi yiyo nye nkenye mvhura, pediworoko lyonomfa daJesus, Nombangi daJehova kuponga kumwe. Tuna kuzigida mokuyaponga kumwe nose posilika esi sediworoko lyonomfa daJesus moSondaha, 24 Nsinano, 2024.