VANGARARENI!
Kukarera mafano—Yisinke za uyunga ko Bibeli?
Kuliza noCatholic News Service, posilika esi sa karerere koSt. Peter Basilica mo-25 Nsinano 2022, Mupapa Francis kwa sikeme kefano lyaMaria “age ana ferere ntani age kwa nyongamene ntani kwakanderere momutjima.” Age “kwa likwamberere Maria” a gave mbili. Ntani mbudi ezi ava gava vaVatican kwa gwedako asi “mupapa kwa kanderere a tungike vantu, unene po womoRussia naUkraine, yipo va diworoke Maria.”
Ove yisinke wa pura? Ayo ya wapa kukanderera komafano ndi kuga ruganesa moukareli ndi? Tara novelise edi dina kukwama ko:
“Walye o liruganene mafano gokuhonga ndi nkenye sihwi seyi yekeguru ndi seyi yepevhu, ndi seyi yomomema konhi zevhu. Walye o yi nyongamene ndi asi o yi tongamene. Yeeyi ame, Hompa Karunga goge, ni Karunga gesupa.”—Exodus 20:4, 5. a
“Vakarunga vawo wosisiliveli nongorodo, ava ga rugana mawoko govantu. Awo kwa kara notuma, nye kapi ava uyunga, kwa kara nomeho, nye kapi ava mono ko. Awo kwa kara nomatwi, nye kapi ava zuvhu, kwa kara nomazuru, nye kapi ava fumbwire. Awo kwa kara nomawoko, nye kapi ava kwatesa ko, kwa kara nomaguru, nye kapi ava gendesa ko; kwa kara notuna, nye kapi va paka mazwi. Ava va va rugana nava navenye va va huguvara, ngano tava fana ngwendi vakarunga woyimpempa ava va rugana.”—Episarome 115:4-8.
“Ame nyamelike HOMPA Karunga goge. Kutupu Karunga gwapeke, kapi ngani tarerera vakarunga woyimpempa va gwane ko efumano lyange.”—Jesaya 42:8.
“Omu suwurukwe kukerera vakarunga woyimpempa.”—1 Vakolinte 10:14.
“Omu likunge nyamweni kovakarunga woyimpempa!”—1 Johanesa 5:21.
Komauzera gomanzi eyi za uyunga ko Bibeli kuhamena kuruganesa mafano moukarelikarunga, resa sirongwa “Eyi azi uyunga ko Bibeli—Mafano” ndi tarera vidiyo Karunga kuyihafera apa vantu ava ruganesa mafano moukareli ndi?
Ove kuvhura hena o hafere eyi za uyunga ko Bibeli kuhamena yirongwa eyi:
“Kuvhura o kanderere kwaMaria ndi?” moRuhingilisa
“Yitetu—Sidiviso sokutunda kwaKarunga ndi?” moRuhingilisa
Photo credit: Vincenzo Pinto/AFP via Getty Images
a Jehova kuna kara edina lyaKarunga. (Episarome 83:18 NW) Resa sirongwa “Yilye Jehova?”