Mo-4 Kudumogona 2022 hamutjanga gombunga zelipakerero António Guterres ka geve siuyungwa kuhamena sinka somukarompepo guna kulitjindja. Mosiuyungwa oso, age ka uyungire asi: “Vantu kuna kurugana yininke eyi yina kuninkisa mukarompepo gu litjindje. Yitata ngayi hanzera. Ngaku kara upyu wounene. Ngaku kara yimpagwa yoyinene. Kapi ngaku kara mema gokugwanena po. Yikorama noyitji yomarudi gokulisiga-siga ngayi zonauka po. Ezi kapisi nzodi. Eyi yiyo ngayi horoka nsene kapi tuna kurundurura omu atu ruganesa yininke.”

 Kuliza noThe New York Times, mo-15 Pembagona 2022 kava zogerere siparatjangwa “Ruhanzo moYellowston, sidiviso asi koyili nayi ka horoka.” Awo kava uyungire asi: “Valirongi kuna kurondora asi monomvhura dina kuwiza, mavango gokupwizumukira gomoAmerika 423, ngagu yi kundama yimpagwa eyi ngagu retesa po mukarompepo, morwa mavango ogo kuvhura kuga kundama unene upyu wounene. Yininke eyi kuna kara ngwendi yimpagwa eyi va tjanga mobibeli: mundiro noruhanzo, materengenze gokuhemuka, efuta lyokufura ntani noupyu wounene.

 Udigu ou kuvhura kuugusa po ndi? Nsene asi kuvhura kuugusa po, yilye ngau gusa po? Tara eyi za uyunga ko Bibeli.

 Bibeli kwa uyunga asi Karunga nga “zonagura po ava vana kuzonagura evhu.” (Ehororo 11:18) Velise ezi kuna kuturonga yininke yitatu:

1.  1. Yirugana yovantu ngayi zonagura evhu.

2.  2. Vantu kapi ngava twikira ngorooro kuzonagura evhu.

3.  3. Karunga nga gusa po udigu ou.

 Bibeli kuuyunga asi ‘uzuni kapi ngau runduruka ngau kara ngorooro.’ (Muudisi 1:4) Vantu ngava tunga po ngorooro.

•   “Muhungami nga gusa sirongo nga tunge mo narunye-narunye.”—Episarome 37:29.

 Planeta zetu ngava zi wapukurura.

•   “Mburundu ngazi hafa, ano nombya ngadi temuna mowiza.”—Jesaya 35:1.