Surasak Suwanmake/Moment via Getty Images
VANGARARENI!
Upyu mouzuni mudima posiruwo sokwenye 2023—Yisinke azi uyunga ko Bibeli?
Vantu mouzuni mudima kuna kuligwanekera noupyu ntani nomaukarompepo gokulisiga-siga aga au retesa po upyu. Tara marapoto aga:
“Kwedi kwaPembangona kuna kara kwedi koupyu po unene uzuni mudima kutunda apa va tameka kumeta upyu nomvhura 174 dina kapita.”—National Oceanic and Atmospheric Administration, U.S. Department of Commerce, 13 Pembankuru 2023.
“Itali, Sipanye, Fransa, Ndovesiranda ntani Poranda navenye kuna kuligwanekera noupyu wounene ntani kuna kuyigazarera asi ntaantani uronde u sike po-48°C [118°F] moyirudi yaSicily naSardinia. Ou kuna kara upyu wounene ou va kwateka moEuropa.”—European Space Agency, 13 Pembankuru 2023.
“Ngomu planeta zina kugenya kuna kundindira asi ngatu mona maukaro gokulikwama aga naga twaredesa komvhura zonzi ezi ngazi reta ruhanzo.”—Stefan Uhlenbrook, director of hydrology, water and cryosphere at the World Meteorological Organization, 17 Pembankuru 2023.
Mukarompepo ogu kuna kukupa sinka ndi? Tara eyi za uyunga ko Bibeli kuhamena sirongwa esi.
Maukarompepo aga kusikisa mo mauporofete gomoBibeli ndi?
Yimo. Mouzuni mudima upyu ntani nomaukarompepo gamwe gomanene kuna lizi noyihorokwa eyi za tumbura Bibeli asi ngayi horoka momazuva getu. Pasihonena, Jesus kwa porofetere asi nga tu mona “mamoneko gokutjilisa” ndi “yidiviso yoyinene.” (Rukasa 21:11) Vantu vana kara nowoma asi evhu ta li zonauka po morwa upyu kuna kuligwederera mouzuni mudima.
Ngatu twikira kutunga pevhu ndi?
Nhi. Karunga kwa sita evhu yipo li kare embo lyetu. Kapi nga pulisira vantu va li zonagure po. (Episarome 115:16; Muudisi 1:4) Age kwa tumbwidira ‘kuzonagura po ava vana kuzonagura evhu.’—Ehororo 11:18.
Bibeli kulikida asi Karunga nga popera evhu yipo va dire kulizonagura po.
“Age [Karunga] kwa mwenekedere ekundungu, mankupi taga litura teete.” (Episarome 107:29) Karunga ga kara nononkondo dokupangera mukarompepo. Age ga kara nononkondo dokuwapeka maukaro aga aga ninkisa vantu va hepe.
“Ove kumonekesa epakerombili lyoge lyosirongo pokutuma mvhura.” (Episarome 65:9) Karunga nga ninka evhu li kare paradisa.
Mokulironga ko yoyinzi kuhamena eyi za tumbwidira Bibeli kuhamena evhu, tara sirongwa “Yilye nga popera evhu?” moRuingilisa?
Kuvhura o hafere hena
YIRONGWA YIMWE
Eyi za uyunga ko Bibeli kuhamena mukarompepo neparu lyetu
Musiti gwetu ga kara nosinka koplaneta zetu ntani novantu ava va tunga mo ndi?
ESSENTIAL BIBLE TEACHINGS
Morwasinke Karunga ga sitira evhu?
Pevhu kwa zura po yininke yoyiwa sili. Age kwa li tura pevega lyouhunga yipo li likunduruke kezuva nosiputa sokugwanena po. Morwasinke Karunga ga litulire mo mokuwapeka evhu monkedi zangesi?
KUTUHAMENA
Tura mo ehundiro
Gwana elimbururo kepuro lyomoBibeli ndi lironga ko yoyinzi kuhamena Nombangi daJehova.
