Omu no vatera wopeke va lididimike mukuma—Yisinke azi uyunga ko Bibeli?
Uzuni mudima vantu kulizuvha mukuma ntani kulizuvha ngwendi kapi tava vhuru kutulisa po ukaume novakwawo. Ava va lirongera youhaku kwayipura asi kuvatera wopeke kuna kara nkedi zimwe zokusesupika mukuma.
“Kuvatera ava vana hepa ekwafo kutuvatera tu kare neparu lyoruhafo nokusesupika mukuma ntani kutuvatera tu dire kulizuvha ngwendi kapi tuna hara kukara nava wopeke.”—U.S. National Institutes of Health.
Bibeli kugava magano gomawa omu natu vatera wopeke. Kutura pasirugana eyi azi uyunga kutuvatera tu lididimikire mukuma.
Eyi no rugana
Kara nonkenda. Papara nonkedi omu no vhura kukara novakweni. Kara nougavi pokupa ko vakweni eyi wa kara nayo. Nsene o yirugana, awo ngava yihafera ntani ngayi mu vatera mu kare vakaume.
Mpango zomoBibeli: “Kareni nougavi yipo none ngava mu pe.”—Rukasa 6:38.
Vatera wopeke. Papara nonkedi omu no vatera ava vana kuligwanekera nomaudigu. Eyi kwa kwatera mo kuvapurakena neharo ntani kuvavatera nayimwe eyi nayi vhura kusesupika mudigo gwawo.
Mpango zomoBibeli: “Kaume kwa karera po mokuvatera, mwankenye ukaro.”—Yisewe 17:17, Contemporary English Version.
Komauzera gomanzi kuhamena omu no kara nelikwatakano lyewa nava wopeke, resa sirongwa “Family Life and Friendships.” MoRuingilisa