Momapeu mo 13 Kudumogona 2024, António Guterres Hamutjanga gombunga zelipakerero kwauyungire kuhamena ehomokero lyaIran kwaIsraeli asi: “Esi kuna kara siruwo sokuninka ukaro u liture ntani u dire kukara siponga. Esi kuna kara siruwo sokulikida elipangero.”

 Yita eyi yina kuhoroka koyirongo yokoUpumezuva kulikida eyi yina kuhoroka mouzuni.

 “Ngesi nyanya mouzuni kuna kuligwederera kupitakana poyita yauvali youzuni mudima ano vantu wokusika pomabiliyona gavali kwa va kundama.”​—Vana veta wopontambo zokuzeruka, 26 Murongagona 2023.

 Yirongo eyi zina kundama nyanya kuna kara Israeli, Gaza, Syria, Azerbaijan, Ukraine, Sudan, Ethiopia, Niger, Myanmar ntani Haiti. a

 Siruwo musinke ngayi haga yita? Kuvhura vampitisili womouzuni va rete mbili ndi? Yisinke azi uyunga ko Bibeli?

 Madiro kulizuvha kulikida asi ntaantani yita nayinye yi ka hage. Yita eyi kuna kusikisa mo uporofete womoBibeli kuhamena siruwo esi tuna kuparuka. Bibeli kusitumbura asi ‘uhura wouzuni.’​—Mateusa 24:3.

•   “One ngomu zuvha yita nonombudi doyita. . . . Yeeyi nomuhoko ngadi lirwanesa-rwanesa, ano yirongo nayo ngayi lirwanesa-rwanesa.”​—Mateusa 24:6, 7.

 Resa sirongwa “What Is the Sign of ‘the Last Days,’ or ‘End Times’?” moRuingilisa o dive omu yita yomomazuva getu yina kusikisa mo Uporofete womoBibeli.

 Bibeli kwa pumba asi madiro kulizuvha nga ga haga po. Ngapi omu ngayi horoka oyo? Kapisi mononkondo dovantu, nye kupitira moHarumagedoni, “yita eyi ngayi horoka mezuva lyenene lyaKarunga Munankondo nadinye.” (Ehororo 16:14, 16) Yita eyi ngayi gava mpito kwaKarunga yipo a sikise mo etumbwidiro lyendi kovantu yipo nga va hafere mbili zanarunye.​—Episarome 37:10, 11, 29.

 Pokulironga ko yoyinzi kuhamena yita yaKarunga eyi ngayi hagekesa po yita nayinye, resa sirongwa “What Is the Battle of Armageddon?” moRuingilisa