Yisinke za uyunga ko Bibeli kuhamena udigu womukuma ou una kuligwederera
Erapoto limwe a kwa tanta asi sinzi sovantu mouzuni mudima kuligwanekera nomukuma.
Chido Mpemba ogu ga hamena mombunga zouhaku mouzuni mudima kwa tanta asi: “Mukuma kuvhura kukundama nkenye ogu nkenye oku.”
Kugusa ko eyi ava gazara sinzi sovantu, mukuma kapi tupu agu kundama vakondi ndi vantu ava ava kara velike nye hena vanona, vantu woukanguki nava valironga ntani valikwali. Kukara nyovelike ntani mukuma kukundama ukanguki womuntu panyama nopomalizuvho.
Dr. Vivek Murthy gomoAmerika kwa tanta asi: “Mukuma kapisi kulizuvha tupu udona”. Age kwa uyungire hena asi: “Sipongo sokudira kukara novantu sa lifana nosiponga esi asi retesa po kukoka makanya gokusika po 15 mezuva limwe.”
Eyi azi uyunga koBibeli
Musiti ngwetu kapi ana hara tukare nyoselike. Sitambo saKarunga nkenye apa kwa kara asi vantu va hafere uumwe wouwa.
Mpango zomoBibeli: “Karunga kwa tanta asi: ‘Kapisi nawa muntu a kare ngorooro gelike.’”—Genesis 2:18.
Karunga ana hara tu kare nelikwatakano nendi. Age gatu tumbwidira kutu hedere pepi nsene tuhetekere ko kumu hedera pepi.—Jakopo 4:8.
Mpango zomoBibeli: “Vehafo vaava ava dimburura asi va hepa Karunga, yeeyi Uhompa wemeguru wawo.”—Mateusa 5:3.
Karunga ana hara tumu karere kumwe novantu vapeke. Apa atu yirugana oyo, ayo kutu retera ruhafo.
Mpango zomoBibeli: “Atu gazadareni ko vakwetu momunene, yipo yi tu tumangede tu va hare nokuvaruganena yirugana yoyiwa, walye atu zumbeni mapongo getu, . . . nye atu likorangede-korangedeni.”—Vahebeli 10:24, 25.
Mokudiva ko yoyinzi omu no hetekera ko kunyokera po mukuma, resa sirongwa “Loneliness in a World of Mass Connection.” moRuingilisa
a The Global State of Social Connections, by Meta and Gallup, 2023.
Kuvhura o hafere hena
MARONGO GOMOBIBELI GOMULYO
Kuvhura sili tu kare vakaume vaKarunga ndi?
Nomvhura dononzi, vantu va yi dimburura asi va hepa musiti gwawo. Bibeli kuvhura zi kuvatere o kare kaume kaKarunga. Ukaume owo kutameka pokulironga edina lyaKarunga.
