Mokwedi kwaPembankuru 2022, upyu kuna kuligwederera unene uzuni mudima:

•   Mo-25 Pembankuru 2022, kuliza noCNN Wire Service “Rwauvali ngesi mokwedi oku moChina va kurondora vantu asi upyu ngau ligwederera moyitata 70.”

•   Mo-17 Pembankuru 2022, kuliza noThe Guardian “Elitjindjo lyomukarompepo goupyu moEurope kuna kuninkisa moyirongo yoyinzi mu kare mpire.”

•   Mo-24 Pembankuru 2022, kuliza noThe New York Times “MoSondaha, sinzi soyitata yomoAmerika ka mu kere upyu wounene kupitakana pwanare.”

 Yisinke yina kutanta eyi? Kapi ngatu vhura hena kutunga pevhu ndi? Yisinke za uyunga ko Bibeli?

 Nhi. Upyu ou una kara mouzuni mudima kuna kukwatesa ko eyi za pumba Bibeli. Pasihonena, Jesus kwa pumbire asi ngatu mona “mamoneko gokutjilisa,” ntani “ngaku kara yidiviso yoyinene.” (Rukasa 21:11) Vantu vana kara noutjirwe asi vantu kuna kuzonagura evhu, morwa yeeyi una kuligwederera upyu.

 Nhi. Karunga kwa sitire evhu li kare embo lyovantu. (Episarome 115:16; Muudisi 1:4) Mevango lyokupulisira vantu va li zonagure, age kwa tumbwidira asi nga zonagura po “ava vana kuzonagura evhu.”—Ehororo 11:18.

 Tara mauporofete gavali aga aga likida eyi ga tumbwidira Karunga:

•   “Mburundu ngazi hafa, ano nombya ngadi temuna mowiza.” (Jesaya 35:1) Karunga kapi nga tarerera evhu va lizonagwilire po, age nga liwapeka.

•   “Ove kumonekesa epakerombili lyoge lyosirongo pokutuma mvhura; to li gawopeke to li paka mboresa.” (Episarome 65:9) Evhu ngali kara paradisa.

 Mokulirongs ko yoyinzi omu elitjindjo lyomukarompepo lyakusikisa mo mauporofete gomoBibeli, resa sirongwa “Eyi za uyunga ko Bibeli kuhamena mukarompepo neparu lyetu.”

 Mokulironga ko yoyinzi eyi za tumbwidira Bibeli omu ngava ka wapeka evhu, resa sirongwa “Yilye nga popera evhu?”