VANGARARENI
Yisinke azi uyunga ko Bibeli kuhamena Vakriste ntani yita?
Ngomu yina kuhoroka yita moUkraine, vampitisili womaukarelikarunga kuna kukorangeda vantu va lihameke mo moyita. Koneka omu varuti vamwe vana kukwatesa ko ruha rumwe royita ano vamwe ruha rwapeke:
“Tatu pandura nokufumadeka vakwayita vetu navenye ava vana kupopera Ukraine kononkore dawo . . . Ekwatesoko lyetu nomakanderero getu gokutundilira komutjima ngano ga kare kumwe none nkenye apa.” Eyi yiyo gauyungire Metropolitan Epiphanius I gomo sitata saKyiv, ngomu vayi tumbura mombudi The Jerusalem Post, mo-16 Nsinano 2022.
“Mupitilisi goNgereka zoVarusia kwa zigidire vakwayita navenye moSondaha nokuvakorangeda va popere sirongo sawo. Morwa ngomu gayi uyungire asi ‘Varusia yiwo velike wokuyirugana’ ngomu Moscow ana kutwikira nosirugana sendi sokuhomona Ukraine” eyi yiyo vauyunga vanambudi vedina Reuters, mo-3 Kudumogona 2022.
Vakriste kuvhura va lihameke moyita ndi? Yisinke zauyunga ko Bibeli?
Eyi zauyunga Bibeli
Bibeli kulikida asi ava ava kwama Jesus Kristusa kapi ava lihameke moyita.
“Zweka mo rufuro roge mosiraro saro, yeeyi nkenye ogu a kwata rufuro, yiro ngaru mu lya rooro.”—Mateusa 26:52.
Muntu ogu a kwatesa ko nokulihameka moyita kulimburukwa kononkango daJesus ndi?
“Ame kuna kumupa sipango sosipe asi omu lihara-hare, moomu na mu hara ame, none yimo nomu lihara-hara. Nsene mu lihara-hara, navenye ngava yi dimburura asi one sili varongwa vange.”—Johanesa 13:34, 35.
Muntu ogu a kwatesa ko yita kulikida eharo nonkenda ezi Jesus gauyungire asi ngazi kara sidimbwiliso sovarongwa vendi ndi?
Komauzera gomanzi resa sirongwa somoRuhingilisa “Yita ya liza noUkriste ndi?”
Vakriste ntani yita neina
Nye Vakriste kuvhura sili va dire kulihameka moyita neina ndi? Yimo. Bibeli kwa pumbire asi pomazuva getu, posiruwo esi ava tumbura asi “mazuva gopouhura,” vantu wokonomuhoko nadinye kapi ngava ‘liwapaikira yita’ kuliza neyi ga rongere Jesus.—Jesaya 2:2, 4.
Mokulironga ko yoyinzi, resa sirongwa somoRuhungu moRuhingilisa sosiparatjangwa asi “Ngapi omu Karunga a tara yita?”
Ntaantani Jehova, a “Karunga gombili” nga ka zowore vantu vendi “mompatakani nomomahepeko” kupitira mouhompa wendi wemeguru.—Vafilipi 4:9; Episarome 72:14.
Mokumona asi ngapi omu nga ka yirugana, tarera vidiyo Yisinke Uhompa waKarunga?
a Jehova kuna kara edina lyaKarunga.—Episarome 83:18 NW.