Mo-2024 ngamu kara mahoroworo gomanzi uzuni mudima kupitakana aga aga horoka movhura zimwe. Nye nampili ngoso, vantu kuna kuzumbanesa ehuguvaro movanapolitika.

•   Sinzi sovantu womoAmerika ava va puragerere kwa tente asi “sinzi sovanapolitika kukondjera uwa wavene” mevango lyokuvatera vantu. a—Pew Research Center, September 19, 2023.

 Naina, sinzi sovadinkantu nawo kapi va huguvara movanapolitika.

•   Vadinkantu vanaina kwa hara kukohonona po maudigu nye momapuragero awo kwauyungire asi vanapolitika kapi vana kukohonona po maudigu—The New York Times, January 29, 2024.

•   Yitundwa mo yepuragero limwe kwa uyunga asi “Vadinkantu kwahuguvara vantu ava ava pwagesa novidiyo ntani ava ava kwama vantu wovanzi kointaneta, kupitakana vanapolitika.”—The Korea Times, January 22, 2024.

 Kuvhura tu huguvare asi vanapolitika ngava tu pa meho zongwa ndi? Yilye natu vhura kuhuguvara?

 Ayo yawapa kutakamesa asi yilye gokuhuguvara. Bibeli kutanta asi “Mugova kupura nkenye eyi, nye vanandunge kutakameesa nontambo dawo.”—Yisewe 14:15.

•   Mokugwana mauzera aga naga kuvatera o tokore asi nombundi musinke dousili nedi doyimpempa, resa sirongwa “Likunga konombudi doyimpempa.”

 Mokugwederera ko, nampili vanapolitika ava ava uyunga usili ntani vana hara kurugana yininke yoyiwa kapi ava vhuru kusikisa mo nayinye eyi vana hara kurugana. Eyi yiyo Bibeli azi tu rondwere asi:

•   “Walye omu huguvara vapangeli wovantu, ndi nkenye ogu ta dili kuvhura kukuparura.”—Episarome 146:3.

 Bibeli za faturura asi, Karunga ga horowora mupangeli gokuvhura kuhuguvara age kuna kara, Jesus Kristusa. (Rukasa 1:32, 33) Jesus kuna kara Hompa goUhompa waKarunga, epangero eli ali pangere meguru—Mateusa 6:10.

•   Lironga konda zeyi natu huguvarera Jesus ntani eyi nga ka rugana mokukakohonona po maudigu aga tuna kuligwanekera nago. Resa sirongwa “Yilye Hompa goUhompa waKarunga?” ntani“Yisinke ngau sikisa mo Uhompa waKarunga?”