VANGARARENI!
Yisinke za uyunga ko Bibeli kuhamena nyanya ezi una kuretesa po upolitika?
Nyanya ezi una kuretesa po upolitika kuna kuninkisa vantu va kare nosinka.
Edipago lyovantu 39 lyovanapolitika ava va horowere moMexico ntani nyanya ezi wa retesere po upolitika kwa donganesere ehoroworo lyomo-2023-2024.
Ntaantani tupu moEuropa ka mu horokere yihorokwa yonyanya morwa upolitika ntani ka va hetekerere ko kudipaga nkuruministeli gwaSlovakia mo-15 Kudumonkuru 2024.
Vantu womoAmerika ka yi va tetukisire kweyi ka va hetekerere ko kudipaga presidente ogu ka tundire ko, Donald Trump mo-13 Pembankuru 2024.
Morwasinke pana vhukire nyanya ezi una kuretesa po upolitika? Nga zi haga po ndi? Yisinke za uyunga ko Bibeli?
Bibeli za pumba asi upolitika ngau retesa po maligaunuko mokatji kovantu
Bibeli kwa pumba asi “pomazuva gopouhura,” vantu ngava kara nonkareso ezi ngazi retesa po nyanya nediro kulizuvha.
“Pomazuva gopouhura, ngapa kara yiruwo yoyidigu. Yeeyi vantu kapi ngava. . . kara norupandu, ngava siga vakwawo, . . . kapi ngava lizuvha novakwawo, . . . ngava kara wonyanya, . . . ngava gombeka vakwawo, ngava kara ndino, ngava litumba.”—2 Timoteusa 3:1-4.
Bibeli kwa pumba asi maudigu ngwendi kurwanesa epangero ntani kumasha ngayi horoka momazuva getu. (Rukasa 21:9, nonkango dokonhi) Nye nyanya ezi au retesa po upolitika ntani maligaunuko kapi ngayi twikira kukara po.
Nyanya ezi una kuretesa po upolitika ngazi haga
Bibeli kufaturura asi ntaantani Karunga nga ka hagekese po mapangero nagenye govantu noku ya tura po epangero lyendi eli ga tulisa po meguru.
“Karunga gemeguru nga dika sirongo esi ngasi . . . hanagura yirongo oyo nayinye, makura tasi kara dogoro narunye.”—Ndaniyera 2:44.
Uhompa waKarunga ngau ninka vantu va kare mouumwe ntani ngau reta mbili mouzuni mudima.
Jesus Kristusa yige mupangeli gepangero olyo ntani kwa mu tumbura asi “Hompa gombili.” Age nga divilisa asi “untungi wepangero lyendi ngau kara nkenye apa mompora.”—Jesaya 9:6, 7.
Vantu ava ali pangere epangero olyo kuna kuhetekera ko kuparuka mombili. Bibeli kutanta asi: “Nomfuro dawo ngava di hambura matemo, nomagonga gawo mamumbere gokukaswisa. Nomuhoko kapi ngadi vyuka hena koyita nampili nakauke, ndi asi di liwapaikire yita.”—Jesaya 2:3, 4.
Mokulironga ko yoyinzi, resa sirongwa “Yisinke ngau sikisa mo Uhompa waKarunga?” ntani tarera vidiyo Yisinke Uhompa waKarunga?
Kuvhura o hafere hena
RUHUNGU
Yisinke ngau sikisa mo Uhompa waKarunga?
Jesus ga yi divire asi Uhompa waKarunga yiwo welike epangero ngali gusa po maudigu apa pevhu. Yisinke wa rugana Uhompa waKarunga?
VANGARARENI!
Vantu kuna ku zumbanesa ehuguvaro movanapolitika—Yisinke za uyunga ko Bibeli?
Bibeli kuturondora tu takamese ogu natu huguvara nokutulikida asi kupi natu gwana meho zongwa zokuhuguvara.
VANGARARENI!
Morwasinke maupolitika aga gawinine vantu—Eyi azi uyunga ko Bibeli?
Eligaunuko morwa maupolitika kuna kuligwederera uzuni mudima. Bibeli kwa likida omu ngayi vhura kukatompoka—mupitisili gokuvhura kureta vantu mouumwe.
