Hawe. Ose kulihameka moyirugana ya tunda embo zende embo nye kapi twa pura asi ngava ka tu parura morwa sirugana oso. (Vaefeso 2:8) Morwasinke?

 Pasihonena, tu ninke asi mugara gombili kuna tumbwidire mokupa uhwi kwankenye ogu nga za kevango mezuva eli ana tura po. Nsene o pura kweyi ana tumbwidire ogo mugara, ove ngo kwama mapukururo gendi. Ove nampo ngo tantera ko vakaume nekoro lyoge yipo nawo va ka gwane uhwi owo. Ngo gwana uhwi owo morwa mugara ogu ana hara kuukupa nye kapisi morwa yirugana yoge.

 Mokulifana, Nombangi daJehova da yi pura asi Karunga ga tumbwidira mwenyo gwanarunye kwanavenye ava mu limburukwa. (Varoma 6:23) Ose kutantera ko vakwetu etumbwidiro olyo morwa tuna hara nawo ngava ka gwanene mo uwa. Nye kapi twa pura asi ngatu ka gwana eparuro morwa kuzuvhisa. (Varoma 1:17; 3:28) Ose vantu kwato eyi natu vhura kurugana mokukagwana eparuro. Bibeli kutanta asi: “Ga tu parura. Kapisi morwayirugana youhunga eyi twa rugana, nani nye morwaufenkenda wendi.”—Titusa 3:5.