Nombangi daJehova kurugana elirongo lyoBibeli eli nali kuvatera o dive eyi azi rongo Bibeli. Elirongo lyoBibeli kuvhura li kuvatere o:

•   Kare noruhafo meparu

•   Kare kaume kaKarunga

•   Lironge eyi za tumbwidira Bibeli

Eyi ya hamene mosirongwa esi

•  Ngapi ava rugana elirongo lyoBibeli?

•  Yingapi ngani futira elirongo lyange lyoBibeli?

•  Novili dingapi ali gusa elirongo lyoBibeli?

•  Ngapi omu nani tameka?

•  Kuvhura ni heteke pomuhowo ndi?

•  Nsene na tambura elirongo lyoBibeli, ngoso ame na hepa kukara gumwe goNombangi daJehova ndi?

•  Kuvhura ni ruganese Bibeli za nyamwange ndi?

•  Kuvhura ni pure wopeke va ya kare pelirongo lyange lyoBibeli ndi?

•  Nsene ngani lirongo nare Bibeli noNombangi daJehova, kuvhura hena ni lironge ndi?

•  Kuvhura ni lironge Bibeli pwanyamwange ga hana kuronga nge muntu ndi?

 Ogu ngo lironga nage nga kuvatera o lironge Bibeli tunda sirongwa zende sirongwa. Pokuruganesa buke Hafera eparu narunye! ngo diva mbudi zomoBibeli ntani ngo lironga omu nazi kuvatera. Mokudiva ko yoyinzi, tarera vidiyo ezi.

 Kwato. Ose kukwama evyukiso eli ga geve Jesus kovarongwa vendi: “Mawoko-woko muna yi gwana, none ka yi gaveni mawoko-woko.” (Mateusa 10:8) Kapi atu futu ava ava rongo Bibeli ntani kapi ngo futira elirongo lyoge lyoBibeli ndi buke Hafera eparu narunye!

 Mobuke kwa kara mo yirongwa yokusika po-60. Ngo tokora nyamoge asi rungapi no lironga mosivike. Vamwe kwa hara kulironga mosivike sirongwa simwe ndi kupita opo.

1.  1.Zwida foroma kointaneta. Ngatu ruganesa mauzera aga nozwida moforoma noku pura gumwe a lironge nove.

2.  2.Ogu nga lironga nove ngaku bela. Age ngaku fatwilira eyi ya hamena mo melirongo lyoBibeli ntani nga limburura nkenye epuro ngo pura.

3.  3.Ngomu tura po mawapaiko nyamweni. Elirongo lyoBibeli kuvhura kuliruganena kupitira kofunguna, kovidiyo, komail ndi sipara nosipara. Elirongo lyoBibeli kuvhura kugusa vili zimwe nye kuvhura hena kugusa nominute dongandi tupu, kuliza noukaro woge.

 Nhi. Kuvhura o zwide foroma kointaneta. Apa na kubela ogu na lironga nove, kuvhura omu tantere asi kuna hara tupu kuheteka pomuhowo o tare nsene no yi hafera. Age kuvhura a ruganese mbapira Hafera eparu narunye! ezi za kara noyirongwa yitatu. Yirongwa oyo nayi kuvatera o tare nsene ono hafere kulironga.

 Hawe. Nombangi daJehova kuhafera kuronga vantu Bibeli nye ose kapi atu sininike muntu a hame koukareli wetu. Ose kuronga eyi azi uyunga Bibeli ntani twa fumadeka etokoro lyankenye muntu ntani twayi diva asi nkenye muntu ga kara nononkondo dokutokora nsene ta pura eyi ana kulironga ndi hawe.—1 Peturusa 3:15.

 Nhi, kuvhura o ruganese nkenye etoroko lyoBibeli. Ose kuhafera kuruganesa Bibeli zEtoroko lyouzuni woupe morwa azo ureru kuzi kwata egano nye twa yi dimburura asi vantu kwa hara kuruganesa etoroko lyoBibeli ezi va kara nazo.

 Nhi. Kuvhura o zigide epata lyoge nalinye ndi vakaume woge.

 Nhi. Ove kuvhura o hafere ngesi siruganeso setu sosipe morwa aso va si wapukurura sili ze noukaro wovantu wopomazuva aga tuna kuparuka. Aso kwa kara nomafano ntani kwa si wapaika si kare morupe ronzogera.

 Nhi. Nampili ngomu vantu ava lirongo yoyinzi nsene gumwe a mu ronga, vantu vamwe kwa hara kulironga pwavene pomuhowo. Moyiruganeso yetu yelirongo lyoBibeli mwa kara yiruganeso yoyinzi eyi nayi kuvatera pelirongo lyanyamoge lyoBibeli. Tara yiruganeso eyi nayi kuvatera:

•   Lironga Bibeli kupitira kointaneta. Yirongwa eyi ya limburura mapuro aga ava lipura sinzi sovantu, ngwendi: Yilye Karunga? Morwasinke pwa karera udona noruhepo? Karunga nga gusa po ruhepo ndi?

•   Novidiyo dokuhamena Bibeli. Novidiyo edi dononsupi kwa limburura mapuro kuhamena Bibeli.

•   Malimbururo komapuro gomoBibeli. Yirongwa eyi kugava malimbururo komapuro gomoBibeli aga ava pura vantu.

•   Efatururo lyonovelise domoBibeli. Tara etanto lyonovelise domoBibeli.