Hawe. Nombangi daJehova da yi pura asi Karunga yige ga sitire nayinye. Nye kapi atu kwatesa ko asi evhu kwa li sitire mazuva ntazimwe. Morwasinke? Morwa egano olyo kulirwanesa nomarongo gomoBibeli. Tu tareni yihonena yivali eyi:

1.   Mazuva ntazimwe gesito. Vamwe kwa yi pura asi yininke kwa yi sitire ure womazuva ntazimwe. Nye, moBibeli nkango “ezuva” kuvhura kutamba kosiruwo sosire unene.​—Genesis 2:4; Episarome 90:4.

2.   Evhu. Vamwe kuronga asi evhu kwa kara po nomvhura mayovi tupu. Nye kuliza noBibeli, evhu neguru kwa kere po komeho yininke va ya yi site. (Genesis 1:1) Yipo nye, Nombangi daJehova kapi adi patanesa maumbangi aga ava gwana vadiviunsitwe asi evhu kwa kara po nomvhura mabiliyona gomanzi.

 Nombangi daJehova da pura mesito. Ose twa pura asi maumbangi gousili govadiviunsitwe noBibeli kwa liza.