Morwasinke omu dilire kutumbura mavango geni goukareli asi ngereka?
MoBibeli nkango zoRugereka ezi pamwe ava toroka “ngereka” kutamba kombunga zovakareli, kapisi kevango eli ava pongere.
Tareni sihonena esi: MoVaefeso 5:24, 25 Bibeli kwa uyunga asi “ngereka” kuzuvhu Kristusa ntani asi ‘Kristusa kwa hara ngereka, yiyo ga lizumbilira mwarwazo monomfa.’ Novelise edi kapi ta tamba ketungo nye kombunga zovantu ava ava zuvhu Kristusa ntani ava ga hara.
Ose kapi atu tumbura mavango getu goukareli asi ngereka nye kuruganesa ntanto “Sinyanga soUhompa.”
Morwasinke omu ga tumbwire asi “Sinyanga soUhompa soNombangi daJehova”?
Morwa nokonda dongandi:
Etungo kuna kara sinyanga ndi evango lyokupongera
Ose kuponga tu karere Jehova, Karunga ogu va tumbura moBibeli ntani nokugava umbangi ndi undipo kumuhamena.—Episarome 83:18; Jesaya 43:12.
Ose kuponga hena tu lironge kuhamena Uhompa waKarunga, ou nga rongo Jesus.—Mateusa 6:9, 10; 24:14; Rukasa 4:43.
Tuna kutambura koSinyanga setu soUhompa o ya tare omu Nombangi daJehova ava rugana mapongo gawo.
Kuvhura o hafere hena
MAPURO
Ngapi ava di gendesa nombungakriste deni?
Kuna kukuhundira o konakone oku atu gwana mapukururo nomavyukiso kupitira mewapaiko eli.
KUTUHAMENA
Zende kepongo
Diva ko yoyinzi kuhamena mapongo getu. Papara evango lyopo pepi eli atu pongere.