“See the Good Land” kuna kara buke ezi za kara nonokarata doyirongo eyi va tumbura moBibeli. Azo ngazi kuvatera o gwederere kediwo lyoge pelirongo lyanyamoge lyoBibeli. MoBibeli kwa kara mo mauzera kuhamena mavango, yitata ntani yirongo. Nsene o ruganesa buke ezi pereso lyoge lyoBibeli ngazi kuvatera o dive nawa mavango ogo. Buke “See the Good Land” ngazi kuvatera o gazadare ko nokumona mavango goyihorokwa va tumbura moBibeli. Azo hena nga zi kuvatera o kwate egano omu mavango ga kundama yihorokwa yomoBibeli.

Buke “See the Good Land” kwa kara mo nokarata domaruvara edi da likida mavango aga va tumbura moBibeli. Mobuke ezi kwa kara mo hena mafano aga va ruganesa kokompyuta ntani nomauzera gamwe aga naga ku vatera melirongo lyanyamoge lyoBibeli.

Buke ezi zomauzera goBibeli ngazi kuvatera yipo o:

• kwate egano rugendo rwaAbirahamu naIsaka naJakopo

• mone rugendo roVaisraeli apa va tundire moEgipite va ze mosirongo setumbwidiro

• hetakanese sirongo soVaisraeli nesi sononkore dawo

• mone mavango aga ga zuvhisilire Jesus

• kwate egano yirongo eyi ga pangerere mapangero aga va tumbura moBibeli ngwendi Babironi, Gereka ntani Roma

Kuvhura o gwane nokuresa buke ezi ko-Watchtower ONLINE LIBRARY.