Ateleki ayingi besadilanga JW Library^® muna kubika o tukutakanu. Betoma yangalalanga, kadi muna aplicativo yayi musiwanga mpe malongi mankaka mena muna Eyingidilu dia Longoka. Kansi muna Eyingidilu, nkumbu miayingi mu siwanga malongi mankaka mekutusadisanga muna mwanda. Aweyi olenda sadila JW Library muna solola malongi mama yo vua nluta?

• Kuna mfoko a konso longi dia Eyingidilu, kuna yo ntu a diambu “Tanga Diaka Mankaka.” I bosi, bosa e link ina vana, “Malongi Mankaka ma Eyingidilu Diadi.” O mona malongi mawonso ma Eyingidilu. E malongi ma longoka mena ye número, mana ke mena ye número ko, ke malongoka ko. Olenda bosa muna longi ozolele tanga.

• E mpila yankaka olenda tangila malongi mama, i bosa vana vasonama “Início,” muna JW Library yo kwenda vana vasonama, “Novidades.” Olenda kulumuna konso Eyingidilu diampa divayikidi. I bosi, ziula e Eyingidilu okulumwini yo mona malongi mena mo mu zaya kana vo otangidi kala mawonso.