Tukasakesanga Muntu Yo Nkwandi “yo Siamanana wo Vanga”
‘Yambula twayinduziananga . . . , twakasakesanga muntu yo nkw’andi, yo siamanana wo vanga, musungula wau tumwene vo e lumbu mu finama kaka kina.’—AYIBERE 10:24, 25.
1. Ekuma Paulu wa ntumwa kakasakesela Akristu Ayibere vo bakasakesanga muntu yo nkwandi yo ‘siamanana wo vanga’?
MUNA tandu kiantete, Paulu wa ntumwa wavovesa Akristu Ayibere vo: ‘Yambula twayindulaziananga kimana twasikamesa o zola ye mavangu mambote kwa muntu yo nkw’andi, ke tuyambula kutakana ko, nze i fu kia ankaka, kansi tukasakesanga muntu yo nkwandi, yo siamanana wo vanga, musungula wau tumwene vo e lumbu mu finama kaka kina.’ (Ayibere 10:24, 25) Ampangi nanga bakiyuvulanga ekuma Paulu kabavovesela vo basiamanana kasakesa muntu yo nkwandi. Vava vavioka mvu ntanu kaka, babakula kimosi muna kuma bafwete wo vangila. Muna ntangwa yayina, lukufi bakala ye lumbu kina Yave kadi fwasa e mbanza Yerusaleme. Babakula vo yayina i ntangwa bafwete sisa e mbanza nze una Yesu kabavovesa. (Luka 21:20-22; Mavangu 2:19, 20) E lumbu kia Yave kiayiza muna mvu wa 70, vava makesa ma Roma bafwasa Yerusaleme.
2. O unu, ekuma dinina o mfunu twakasakesanga muntu yo nkwandi?
Yoele 2:11) E mvovo mia Sefaniya wa ngunza miamfunu kikilu kwa yeto o unu. Mivovanga vo: “E lumbu kianene kia Yave kifinamene, kifinamene yo zabuzioka!” (Sefaniya 1:14) Muna kuma kiaki, tufwete ‘sianga e sungididi kwa muntu yo nkw’andi kimana twasikamesa o zola ye mavangu mambote.’ (Ayibere 10:24, mvovo vana yanda lukaya) Tufwete tokanenanga e wete dia mpangi zeto yo kubakasakesa avo divuilu o mfunu.
2 O unu, diambu diau dimosi tunuananga diau. “E lumbu kia Yave kianene, kiambubu,” kifinamene kikilu. (NANI OVUANGA LUKASAKESO O MFUNU?
3. Adieyi Paulu wa ntumwa kavova mu kuma kia lukasakeso? (Tala e fwaniswa kuna lubantiku lwa longi.)
3 O Nkand’a Nzambi uvovanga vo: “E swengeti muna ntim’a muntu kivumbika wo: E diambu diambote dimwesa wo e kiese.” (Ngana 12:25) Ezak’e ntangwa, yeto awonso lukasakeso tuvuanga o mfunu. Paulu watoma kiesesa vo kana nkutu awana bena ye mbebe ya kasakesa akaka, lukasakeso mpe bevuanga o mfunu. Wasonekena ampangi kuna Roma vo: “Kadi tima dia kunumona ngina diau, yanuvana lukau lwa kimwanda kimana nwasikidiswa; yovo, twakasakeswa, konso muntu muna lukwikilu lwa nkw’andi, o lweno yo lwame.” (Roma 1:11, 12) Ediadi disongele vo kana nkutu Paulu wa ntumwa lukasakeso kavuanga o mfunu.—Tanga Roma 15:30-32.
4, 5. Nani tulenda kasakesa o unu? Ekuma?
4 O unu, tulenda kasakesa awana besadilanga Yave muna salu kia ntangwa ke ntangwa, nze aviti a nzila. Ndonga muna yau babembola lekwa yayingi ina bayangalelanga kimana bakota muna salu kia kimviti a nzila. Diau dimosi mpe kw’awana bena vo misionario, ana besadilanga kuna Betele, akengi a zunga ye akazi au ye awana besadilanga muna nzo za salu kia nsekola. Yau awonso mayingi babembola muna kuyivana muna salu kia Yave. Muna kuma kiaki, tufwete kubakasakesanga. Vena mpe ye mpangi zayingi bena yo luzolo lwa kwamanana muna salu kia ntangwa ke ntangwa, kansi ke belendanga diaka wo vanga ko. Mpangi zazi mpe bevutulanga kikilu matondo vava bevewanga lukasakeso.
5 Aki nani diaka bevuanga o mfunu wa lukasakeso? Tulenda kasakesa mpangi zayingi z’akala ye z’akento ana bakinu ampumpa kadi bazolele lemvokela o nkanikinu a Yave wa sompelela kaka “muna Mfumu.” (1 Korinto 7:39) Akento bekasakeswanga vava akazi au bekubavovesanga vo zola bekubazolanga yo yangalela e salu besalanga. (Ngana 31:28, 31) Akristu ana bezizidilanga lubangamu yovo ambevo lukasakeso mpe bevuanga o mfunu. (2 Tesalonika 1:3-5) Yave yo Yesu befiaulwisanga e selo yayi yawonso yakwikizi.—Tanga 2 Tesalonika 2:16, 17.
AKULUNTU BALENDA KUTUKASAKESA
6. Adieyi tulenda longoka mu kuma kia mbebe bakala yau akuluntu beyikwanga muna Yesaya 32:1, 2?
6 Tanga Yesaya 32:1, 2. Mu ntangw’a mpasi tuzingilanga. Muna kuma kiaki, tulenda yoya yo kendalala. Yesu Kristu osadilanga mpangi zandi akuswa ye “akuluntu” akwa kwikizi ana bena muna buka kia mameme mankaka mu kutukasakesa. Akuluntu a nkutakani ke ‘mfumu’ za lukwikilu lweto ko, kansi ‘akweto a salu’ muna kiese kieto. Bevavanga kutusadisa kimana twakala ye kiese yo sikila ye kwikizi.—2 Korinto 1:24.
7, 8. Aweyi akuluntu balenda kasakesela akaka muna mvovo ye mavangu?
7 Akuluntu balenda tanginina Paulu wa ntumwa, ona wavanganga mawonso mu kasakesa mpangi zandi. Wasonekena Akristu kuna Tesalonika ana babangikwanga vo: “Wau vo twatoma kunuzola, ke twakala kaka ye kani dia kunusamunwina e nsangu zambote za Nzambi ko, kansi twayekola mpe mioyo mieto, kadi nwatoma zolakana kwa yeto.”—1 Tesalonika 2:8.
8 Akuluntu betoma kutukasakesanga muna mvovo miau. Kansi, nga i diau kaka divavuanga? Paulu wavovesa akuluntu kuna Efeso vo: ‘Nufwete sadisa awana batovokele yo sungamena mvovo mia Mfumu Yesu vava kavova yandi kibeni vo: ‘Edi disundidi e kiese dia vana, ke mu tambula ko.’’ (Mavangu 20:35) Paulu wakala ye tima dia ‘sadila yawonso kakala yau yo funtuka’ muna wete dia mpangi zandi. Wasonga muna mavangu mandi vo wakala ye tima dia vanga konso dina kalenda muna wete diau. (2 Korinto 12:15) Diau dimosi mpe, akuluntu bafwete kasakesanga akaka ke mu mvovo kaka ko, kansi ye muna mavangu mpe. Ediadi disonga vo bekutuvuanga kikiku o mfunu.—1 Korinto 14:3.
9. Aweyi akuluntu balenda vanina e longi dia lukasakeso?
9 Muna kumika ampangi, ezak’e ntangwa divavanga vo akuluntu babavana e longi. Akuluntu balenda longoka muna Nkand’a Nzambi una balenda vanina e longi dia lukasakeso. Yesu watusisila mbandu ambote muna mpila ifwete vaninua e longi vava katwika e nsangu kwa nkutakani za Ásia Menor kuna nim’a lufwa yo lufuluku lwandi. Wavana longi diankuma kwa nkutakani ya Efeso, Pengamo ye Tuatira. Kansi vitila kavana e longi, wabasanisina muna mambu mawonso mambote bavanganga. (Lusengomono 2:1-5, 12, 13, 18, 19) Yesu wavovesa e nkutakani ya Laodikia vo: “Awonso ana nzolele, ikubasemba yo kubalonga. Dianu vo, kala yo vema, viluka o ntima.” (Lusengomono 3:19) Akuluntu besianga e ngolo za tanginina Kristu muna mpila bevaninanga e longi.
KE AKULUNTU KAKA KO BAFWETE KASAKESA AKAKA
Mase, nga nulonganga wan’eno mu kasakesa akaka? (Tala e tini kia 10)
10. Aweyi yeto awonso tulenda kumikina muntu yo nkwandi?
10 Akuluntu ke yau kaka ko bafwete kasakesa akaka. Paulu kwa Akristu awonso kavovesa vo bavovanga “edi diambote mu kumika akaka muna ntangwa ifwene, kimana diatwasa nluta” kwa akaka. (Efeso 4:29) Yeto awonso tufwete vavanga zaya dina mpangi zeto bavuidi o mfunu kimana twabasadisa. Paulu wasonekena Akristu Ayibere vo: “Nukumika moko mazeza ye makungunu mayoya, nusingika nzila za malu meno, kimana ona wafwa malu kalembi vengomoka, kansi kasasuka.” (Ayibere 12:12, 13) Yeto awonso tulenda kumika yo kasakesa muntu yo nkwandi kana nkutu vo twakinu aleke.
11. Aweyi Marthe kabakila lusadisu vava kakala wakendalala?
11 Mpangi mosi ankento una ye nkumbu a Marthe wabakama kwa ntantu mu fikolo. * (Tala e mvovo vana yand’a lukaya.) Wavova vo: “Lumbu kimosi, vava yasambanga kwa Nzambi kimana kamfiaulwisa, yamokena ye mpangi mosi ankento wa nunu ona wansonga e ngemba yo walakazi una yavuanga kikilu o mfunu mu ntangwa yayina. Wanzayisa mpe mambu mampasi mambwila mana mono mpe yanuananga mau. Vana vau, yamona vo kina mono mosi kaka ko.” O mpangi ankento ndiona nanga kabakula ko vo e mvovo miandi miasadisa kikilu Marthe.
12, 13. Aweyi tulenda sadila luludiku luna muna Filipi 2:1-4?
12 Paulu wasonekena Akristu kuna Filipi vo: “Ozevo, avo vena yo lukasakeso muna Kristu, avo vena yo lufiaulwisu lwa zola, avo nutokanenanga wete dia muntu yo nkw’andi, avo vena yo walakazi ye nkenda, ozevo nulunganisa e kiese kiame muna kalanga yo nyindu mosi ye nzola mosi, akwa ntima mosi, ye kani dimosi. Ke nuvangila konso diambu muna ntantani ko ngatu kuyitundidika, kansi kuna lulembamu kaka nubadikila ankaka vo banusundidi, ke nuvavingi kaka wete wa yeno kibeni ko, kansi wete dia akaka mpe.”—Filipi 2:1-4.
13 Yeto awonso tulenda vava e mpila tulenda kasakesela muntu yo nkwandi. Tulenda vana “lufiaulwisu lwa zola,” ‘tokanena wete dia muntu yo nkw’andi’ yo songa “walakazi ye nkenda” muna kasakesa mpangi zeto.
UNA TULENDA KASAKESELA AKAKA
14. Nkia mpila tulenda kasakesela akaka?
14 Tutoma yangalalanga vava tumonanga vo muntu ona twasadisa wakinu tatidila e kwikizi kiandi. Yoane wa ntumwa wasoneka vo: “Kina ye kiese kisundidi e kiaki ko: kia wá vo o wan’ame muna ludi bekangalelanga.” 3 Yoane 4) Aviti a nzila ayingi beyangalalanga vava bemonanga muntu ona balonga e ludi se vioka mvu miayingi wakinu sadila Yave ye kwikizi, nanga nkutu se mviti a nzila. Muna kuma kiaki, avo aviti a nzila awaya bakendalele, tulenda kubasungamesa mambu mawonso mambote bevanganga muna sadisa akaka.
(15. Nkia diambu tulenda vanga muna kasakesa awana besadilanga Yave ye kwikizi kiawonso?
15 Akengi a zunga ayingi ye akazi au bevovanga vo bekasakeswanga vava ampangi bevutulanga matondo kuna mfoko a nkingula. Ediadi divangamanga mpe kwa akuluntu, misionario, aviti a nzila, awana besadilanga kuna Betele. Awonso awaya besadilanga Yave ye kwikizi kiawonso. Avo tubasanisini muna ngolo bevanganga, tulenda kubakasakesa lutila nkutu una tuyindulanga.
UNA YETO AWONSO TULENDA KASAKESELA AKAKA
16. Nkia mambu makete olenda vanga muna kasakesa o muntu?
16 Adieyi ovanga avo diampasi dikalanga kwa ngeye mu zayisa akaka una omonanga mu kuma kiau? E ziku kia diambu i kiaki: O kasakesa akaka ke diambu diampasi kikilu ko. Olenda teza sevesa muntu. Avo kasevele ko, dilenda kala vo diambu diampasi kenuananga diau, muntu kevavanga kalenda mokena yandi. Olenda kumfiaulwisa muna kuntamba o matu ekolo kevovanga.—Yakobo 1:19.
17. Adieyi diakasakesa mpangi mosi wa nleke?
17 Mpangi mosi wa nleke una ye nkumbu a Henri, wakendalala kikilu wau vo ayingi muna yitu yandi bayambula sadila Yave. Mosi muna yau i se diandi, ona wakala vo Nkunga 46, Sefaniya 3:17 ye Maku 10:29, 30.
nkuluntu. Vava nkengi a zunga kamona vo Henri wakendalala kena, wambokela benda nua kafe. O nkengi a zunga watoma winikina ekolo Henri kanzayisanga dina diantokanesanga. Henri wabakula vo e mpila kaka kalenda sadisila e yitu yandi mu vutuka muna ludi i sikila ye kwikizi muna Yave. Wafiaulwiswa mpe vava katangaYeto awonso tulenda kumika yo kasakesa muntu yo nkwandi (Tala e tini kia 18)
18. (a) Adieyi Solomo wa ntinu kasoneka mu kuma kia lukasakeso? (b) Adieyi Paulu kavova tulenda vanga?
18 Adieyi tulenda longoka muna nona kia Marthe yo Henri? Konso muntu mu yeto olenda fiaulwisa yo kasakesa mpangi una mu mpasi. Solomo wa ntinu wasoneka vo: “E diambu muna ntangw’andi, kuna kwa wete! O ntemo a meso umwesa ntima e kiese. E nsangu zambote zisia visi o mazi.” (Ngana 15:23, 30) Nga ozeye muntu una wakendalala yovo wayoya muna mwanda? Nga olenda kuntangila Eyingidilu yovo malongi mena muna nzil’eto ya internete? Paulu wavova mpe vo, o yimbila e nkunga mia Kintinu vamosi ye ampangi zeto dilenda vuvika e ngindu zeto. Wasoneka vo: “Nulonganga yo kasakesa muntu yo nkw’andi muna nkunga, muna sanisina Nzambi, muna nkunga mia kimwanda yo matondo, nuyimbidila Yave muna ntima mieno.”—Kolosai 3:16; Mavangu 16:25.
19. Ekuma o kasakesa akaka dinina kikilu o mfunu mu lumbu yeto?
19 Lukufi kikilu se twina ye lumbu kia Yave. Muna kuma kiaki, diamfunu twakasakesanga muntu yo nkwandi. (Ayibere 10:25) Kiese kikilu tukala kiau avo tuvangidi dina Paulu kavova: “Nukasakesanga yo kumika muntu yo nkw’andi, wauna nuvanganga.”—1 Tesalonika 5:11.
^ tini. 11 E nkumbu zasobwa.