EYINGIDILU (DIA LONGOKA) Desemba 2016
Eyingidilu diadi dina ye malongi melongokwa tuka kina kia 30 Yanuali yakuna 26 Fevelelo, 2017.
Nwavevolwa mu Kuma kia Nkenda za Nzambi
Olenda vua nluta miayingi muna badikanga una Yave kavevolwela muna sumu.
‘O kala yo Nyindu a Mwanda, i Moyo yo Luvuvamu’
Muna nkand’a Roma kapu kia 8 muna ye luludiku lulenda kusadisa mu vua nsendo una Yave kevananga kwa wantu awonso.
Yekeka Ntokani Zaku Zawonso kwa Yave
Ezak’entangwa, selo ya Nzambi bekalanga yo nteleko a moyo. Mambu yá malenda kusadisa mu vua nluta muna “luvuvamu lwa Nzambi”
Yave Osendanga Awana Bekumvavanga ye Ziku Kiawonso
O zaya vo Yave osinga kutusenda aweyi dikutusadisilanga? Aweyi Yave kasendela selo yandi kuna nz’ankulu? Aweyi kesendelanga selo yandi o unu?
LUSANSU
Yakituka Wawonso kwa Wantu a Mpila Zawonso
E yiyekwa ina mpangi Denton Hopkinson katambula vava kakala toko, yansadisa mu mona una Yave kesongelanga zola kwandi muna wantu a mpila zawonso.
