“Vava ikalanga yo lukendalalu lwasaka, Yave okumfiaulwisanga muna nkunga mieto mivaikiswanga muna TV ya Mbangi za Yave.”—Lorraine, U.S.A.

Tuka kuna nz’ankulu, Akristu beyimbilanga e nkunga muna kembelela Nzambi. (Kol. 3:16) Avo osungamene nkunga miami muna ntu, milenda kusadisa vava kukala yo nkand’a nkunga ko ngatu internete. E mambu malende mekusadisa mu lunda e miaka nkunga mieto muna ntu.

• Tanga e mvovo ye sungididi kiawonso kimana wabakula e nsas’andi. Muna lenda sungamena mambu mana otangidi ofwete toma bakula e nsas’andi. E mvovo mia nkunga mieto miawonso mia Kintinu kumosi ye nkunga mivaikanga muna TV ya Mbangi za Yave, olenda mio solola muna jw.org. Ziula vana Lundilu, i bosi ziula vana Nkunga.

• Soneka e mvovo mia nkunga muna papela. Avo ovangidi wo dilenda kusadisa mu sungamenanga e mvovo miami muna ntu.—Nsi. 17:18.

• Yimbilanga mu nding’a ngolo. Tanganga e mvovo mia nkunga yo yimbilanga mio nkumbu miayingi.

• Vava zaya e tezo kia mambu olenda lunda muna ntu. Vava sungamena e mvovo mia nkunga lembi tala muna nkand’a nkunga, i bosi vava zaya e tezo kia mvovo osungamene.