Nze una tumonanga ndonga omu yeto, nanga diampasi dikalanga mpe kwa ngeye mu sungamena mana olongokanga. Ozevo, diasazu mu sungamena mambu mayingi mana Yesu katulonga, kadi nkumbu miayingi nona ye ngana kasadilanga. Obadikila mana Yesu kalonga nze mau tumwene, dikutusadisanga mu sungamena mo. Diau dimosi mpe, muna lenda sungamena mana olongokanga, badikilanga mo nze mau omwene. Aweyi olenda wo vangila? Bandulanga e fwaniswa ekolo olongokanga.

Awana bevanganga fwaniswa kia diambu diampa dina balongokele, nkumbu miayingi betoma sungamenanga mana belongokanga. Ovanga e fwaniswa ke disadisanga kaka ko mu toma bakula mvovo, kansi disadisanga mpe mu sungamena e ngindu ye nsas’a mambu masina. Ke divavanga ko vo e fwaniswa ina bevanga yakala yatoma vienga, nze ya nkwa umbangu. Vena ye ziku itoma songanga vo e ndekwa zazi za vanga fwaniswa zitoma sadisanga anunu mu sungamena mana belongokanga.

Vava olongoka, olenda teza vanga yaka fwaniswa ya mambu mana olongoka. Nanga otoma sivika muna mpila osungamena mana olongoka!