Ekuma Tuvuididi e Kintinu kia Nzambi o Mfunu?
Tuka kuna lubantiku lwa lusansu lwa wantu, Mvangi eto ona una ye nkumbu Yave, yandi kaka wayalanga. Mu mpila yambote kayadilanga. Wakubika e fulu kiambote-mbote, i sia vo, mpatu a Edene kimana o wantu bazingila mo. Wabavana ulolo wa madia. Vana ntandu, wabavana mpe e salu kiambote. (Tuku 1:28, 29; 2:8, 15) Wantu awonso mu luvuvamu badi kala kele vo bakwamanana kala ku nsi a wisa kia Nzambi.
O wantu antete babembola Nzambi se Nyadi au
Diambu dia Nzambi dikutuzayisanga vo mbasi mosi wakolama, oyikilwanga vo Nkadi ampemba wa Satana, wafidisa e mpila ina Nzambi keyadilanga e mpaka. Wavova vo o wantu badi kala ye kiese kondwa kwa luludiku ye luyalu lwa Nzambi. Diankenda kikilu vo mase meto mantete, Adami yo Eva bakwikila muna luvunu lwa Satana yo bembola luyalu lwa Nzambi.—Tuku 3:1-6; Lusengomono 12:9.
Wau vo babembola Nzambi nze Nyadi au, Adami yo Eva bavidisa e Paradiso ye vuvu kia zinga yakwele mvu yo vimpi walunga. (Tuku 3:17-19) E nzengo zau zatwasa mpe e mfwilu kwa wana bawuta. E Bibila kivovanga vo wau vo Adami wasumuka, “e sumu diakotela ova nza muna muntu mosi, o lufwa mpe muna sumu.” (Roma 5:12) E sumu diatwasa diaka mpasi zankaka: ‘O muntu oyalanga nkwandi muna kumwesa e mpasi.’ (Kimpovi 8:9) Muna mvovo miankaka, vava o wantu bekukiyalanga, mpasi zayingi kaka ditwasanga.
LUBANTIKU LWA LUYALU LWA WANTU
Nimerode wakolamena Yave
Nimerode i nyadi antete oyikwanga muna Bibila. Nimerode wakolamena luyalu lwa Yave. Tuka muna lumbu ya Nimerode, wantu ankuma mu mpila yambi besadilanga e wisa kiau. Se vioka 3.000 ma mvu, Solomo wa Ntinu angangu wasoneka vo: “Mbwene mansanga ma awana bebangikwanga, kansi ke bakedi yo mfiaulwisi ko. Abangiki au bakedi yo nkuma.”—Kimpovi 4:1.
Ediadi diakinu vangama o unu. Muna mvu wa 2009, nkanda mosi wa Nações Unidas wavova vo, e mpila yambi beyadilanga ayadi, “i tuku dia mambu mayingi mampasi tunuananga mau o unu.”
EYAYI I NTANGWA YA VANGA E DIAMBU!
O wantu, nyadi ye luyalu lwambote bavuidi o mfunu. Ediadi i diau o Mvangi eto kasila o nsilu.
Kana nkutu ayadi ambote ke belendanga fokola e mpasi za wantu ko
O Nzambi wasikidisa Kintinu yovo luyalu luvinga vana fulu kia tuyalu twa wantu ye “kiau kaka kiyala yakwele mvu.” (Daniele 2:44) Ekiaki i Kintinu kina mafunda ma wantu belombanga muna sambu. (Matai 6:9, 10) Kansi, o Nzambi ke yandi kibeni ko oyala muna luyalu lwalu. Wasola o muntu ona wazinga kala ova ntoto mu kala se Ntinu. Nani Nzambi kasola?
Nanga Oyangalela Mpe Malongi Mama
MVUTU ZA YUVU YA BIBILA
Luvuvamu ova Nza—Aweyi Lukwizila?
Zaya nsilu a Nzambi watwasa luvuvamu ova nza muna Kintinu kiandi.
MVUTU ZA YUVU YA BIBILA
Nga e Kintinu kia Nzambi mu Ntima aku Kina?
Adieyi Bibila kisonganga vava kivovanga vo “kintinu kia Nzambi kina vana kati kweno”?
