Nani i Nkwa Kuma?
Avo ke Nzambi ko i nkwa kuma, adieyi i tuku dia nzala, usukami, mvita, mayela ye sumbula? O Nkand’a Nzambi uyikanga kuma tatu o wantu bemwenanga e mpasi:
Loko, Kimpala ye Kitantu. “Vena ye ntangwa ina kekal’o muntu ye wisa muna nkw’andi kamwesa mpasi.” (Kimpovi 8:9) Nkumbu miayingi, o wantu bemonanga e mpasi mu kuma kia usumuki, loko ye mavangu mansoki ma wantu.
Kolo ye mambu ma Kinsalukisa. O wantu bemonanga e mpasi kadi e ‘kolo ye mambu ma kinsalukisa mebwilanga awonso.’ (Kimpovi 9:11) Disongele vo wantu balenda bwilwa e sumbula mu kuma kia sia vo va fulu kiambi bena muna ola yambi. Dilenda kala mpe mu kuma kia kondwa kwa lulungalalu yovo vilwa bevanganga.
Nyadi Ambi a Nza Yayi. Nkand’a Nzambi usengomonanga ndiona una vo i tuku diantete dia mpasi bemonanga o wantu. Uvovanga vo: “Tuzeye wo vo kwa Nzambi tuvuilu, kansi e nza yawonso muna wisa kia ndiona wambi ina.” (1 Yoane 5:19) “Ndiona wambi” oyikwanga mu sono kiaki i Satana wa Nkadi ampemba, vangwa kia mwanda ona wakala mbasi a Nzambi kansi “kasikila muna ludi ko.” (Yoane 8:44) Vangwa yankaka ya mwanda yayikama Satana yo kolamena Nzambi muna lungisa e zolela yau yambi yo kuyikitula se nkuya. (Etuku 6:1-5) Tuka bakolamena, Satana ye nkuya miandi beyalanga e nza yayi yo vukumuna wantu. Ediadi ditoma monekanga musungula mu lumbu yeto. Owau, Nkadi ampemba makasi mayingi kena mau, “ovukumunanga nza yawonso.” Ediadi ditwasanga ‘tatu ova nza.’ (Lusengomono 12:9, 12) Kieleka, Satana nyadi ambi kikilu. Kiese kemonanga vava wantu bena mu mpasi. Muna kuma kiaki, Satana yandi i tuku dia mpasi za wantu, ke Nzambi ko.
YINDULA EDI: Nkwa nsoki kaka olenda mwesa minkondwa kuma e mpasi. Nswaswani yo Satana, Nkand’a Nzambi uvovanga vo “Nzambi i zola.” (1 Yoane 4:8) Muna kuma kia zola kwandi, “ke difwene kwa Nzambi ko, kavanga umpumbulu; yo Mpungu-ngolo kavanga vilwa.”—Yobi 34:10.
Kansi, nanga olenda kukiyuvula vo: ‘Yamu nkia ntangwa o Nzambi wa Mpungu-ngolo kefokola luyalu lwambi lwa Satana?’ Nze una tulongokele kala, Nzambi omenganga e mbi. Ntantu zayingi kemonanga vava tukalanga mu mpasi. Vana ntandu, e Diambu diandi divovanga vo: “Nuyekeka ntokani zeno zawonso kwa yandi, kadi mfunu kekunuvuanga.” (1 Petelo 5:7) Nzambi zola kekutuzolanga ye ovuidi nkuma, ofokola e mpasi ye mambu mawonso mambi nze una usonga e longi dilanda. *
^ tini. 7 Muna toma zaya ekuma tumwenanga e mpasi zayingi, tala muna kapu kia 26 kia nkanda Zinga ye Kiese Yakwele Mvu! wavaikiswa kwa Mbangi za Yave ye olenda mpe wo solola muna www.pr418.com.
Nanga Oyangalela Mpe Malongi Mama
EYINGIDILU DIA NKANGU
Ke Kolo ko Nzambi Ofokola e Mpasi Zawonso
Aweyi tuzayidi wo vo Nzambi ozolele vanga diambu mu fokola e mpasi zawonso yo kondwa kwa unsongi?
MVUTU ZA YUVU YA BIBILA
Nga Nkadi Ampemba Una Kieleka?
Nga Nkadi ampemba i mbi ina muna kati kwa wantu yovo muntu kieleka?
MVUTU ZA YUVU YA BIBILA
Nga Nkadi Ampemba i tuku dia Mpasi zawonso?
Nkand’a Nzambi usonganga e tuku dia mpasi za wantu.
