Nkia Vuvu Tuna Kiau mu Kuma kia Awana Bafwa?
Lufwa i mbeni a wantu awonso. Kansi, nga lufwa i mfoko a mambu mawonso? Nga awana bafwa bavilakanua emvimba? Nkia vuvu tuna kiau mu kuma kia awana bafwa?
BADIKA DINA NKAND’A NZAMBI UVOVANGA:
AWANA BAFWA KE BAVILAKANUA KO
“Awonso bena muna ziami bewa nding’andi yo vaika.”—Yoane 5:28, 29.
Nzambi osungamenanga awana bafwa; awana bena muna nyindu andi besinga fuluka.
VEKALA YE LUFULUKU OVA NTOTO
“Vekala yo lufuluku lwa ansongi ye awana balembi songa.”—Mavangu 24:15.
Mazunda ye mazunda ma wantu besinga fuluka, bekala ye vuvu kia zingila yakwele mvu muna luvuvamu.
E VUVU KIA LUFULUKU KIAKIELEKA
‘[Nzambi] ozeye lutangu lwa ntetembwa; oyikilanga zawonso muna nkumbu.’—Nkunga 147:4.
Wau vo Nzambi ozeye lutangu lwa ntetembwa zawonso, ke diampasi ko kwa yandi mu sungamena awana kesinga futumuna.
