Wantu Bekuyimwenanga vo ke Bena Mfunu Ko
EKUMA OFWETE KUYIMWENANGA VO MFUNU WINA?
O wantu ana bekuyimwenanga vo mfunu bena, bekalanga ye vuvu vava bewanananga ye mambu mampasi. Diampasi dikalanga mu vutuka manima.
-
Lufimpu lumosi lusonganga vo o wantu ana bekuyimwenanga vo ke bena mfunu ko, diasazu dikalanga mu bakama ntelamw’a moyo, lukendalalu lwasaka yo viokesa e tezo muna dia. Betoma kuyivananga mpe muna nua malavu ma nkolwa ye droga.
-
Wantu ana bekuyimwenanga vo mfunu bena, bevenganga e fu kia kuyitezanesa ye akaka. Ediadi dikubasadisanga mu kala entwadi yo wantu ana babazungidi yo vanga yikundi yakola. Kansi awana bekuyimwenanga vo ke bena mfunu ko bekalanga ye fu kia kumba akaka ye ke dikalanga diampasi ko mu fwasa yikundi.
-
Kana nkutu vava bekalanga mu mpasi, o wantu ana bekuyimwenanga vo mfunu bena bezizidilanga. Ke beyambulanga ko vo mambu mebwanga kuna kinsalukisa, mabakakidila mu lungisa makani mau. Kansi awana bekuyimwenanga vo ke bena mfunu ko, bebadikilanga e mpilakanu zakete se nkaku wampwena yo kubafila mu vutuka manima.
ADIEYI OLENDA VANGA MUNA KUYIMWENA VO MFUNU WINA?
Toma solanga akundi. Kalanga entwadi ye wantu ana bena vo akwa luzitu, ana betokanenanga e wete diaku ye ana balenda kukasakesa.
Sadisanga akaka. Avo u nkwa ngemba ye osadisanga akaka, kumosi ye awana ke balendi kuvutulwila ko, okala ye kiese kiakieleka kitukanga muna vana. Okala kikilu ye kiese kana nkutu vo akaka ke bemonanga ko mawete mana ovanganga.
Sadisanga wan’aku kimana bayimwenanga vo mfunu bena. Imosi muna mpila olenda wo vangila i yambula vo basingikanga mambu ma yau kibeni muna tezo kina balenda wo vangila. Ediadi disadisa wana mu zaya una balenda zizidila mambu mampasi yo singika mambu mau una ufwene. Ovanga ediadi dikubasadisa mu kuyimwena vo mfunu bena tuka muna kileke yavana bekituka se ambuta
DINA MBANGI ZA YAVE BEVANGANGA
O tukutakanu ye salu kia Mbangi za Yave kia longa e Bibila kwa wantu, kisadisanga wantu mu tomesa zingu kiau yo yantika kuyimwena vo mfunu bena.
TUKUTAKANU TWETO TWA KONSO LUMINGU
Muna tukutakanu tweto twa konso lumingu, tuyangalelanga wa malongi ma Bibila. Mankaka muna malongi mama mesonganga una tulenda kuyimwena vo mfunu twina. Muna tukutakanu tweto ke mulombwanga nzimbu ko, wantu awonso balenda kota. Kasikil’owu, muna tukutakanu tweto olongoka . . .
-
ekuma winina o mfunu kuna kwa Nzambi
-
una olenda sololwela e nsasa akieleka ya zingu
-
una olenda vangila yikundi yakola yo tatidila yo
Osolola mpe akundi akieleka ana ‘betokanenanga o wete wa muntu yo nkwandi.’—1 Korinto 12:25, 26.
Muna zaya diaka mambu mankaka mu kuma kia tukutakanu tweto, vavulula e video yankufi, Nkia Mambu Mevangamanga Muna Seka dia Kintinu, muna jw.org.
SALU KIETO KIA LONGA E BIBILA KWA WANTU
Tusadilanga o nkanda, Zinga ye Kiese Yakwele Mvu! muna longa e Bibila kwa wantu. Muna nkanda wau muna ye sono ya Bibila, mambu ma toma kia, yuvu, video, fwaniswa ye mafoto mambote-mbote. E salu kieto kia longa e Bibila, kisadisanga wantu muna yantika kuyimwena vo mfunu bena yo tomesa e zingu kiau.
Muna zaya una olenda longokela e Bibila ye Mbangi za Yave ye nluta olenda vua, vavulula e video yankufi, Ekuma Ofwete Longokela Bibila? muna jw.org.
Nanga Oyangalela Mpe Malongi Mama
TU AKI NANI
Lomba Beza Kukingula
Zaya e mvutu za Bibila mu kuma kia kiuvu kiaku, yovo zaya mayingi mu kuma kia Mbangi za Yave.
TU AKI NANI
Lungana Muna Lukutakanu
Zaya oma ma tukutakanu tweto. Vava fulu kia lukutakanu kina lukufi.
