“Kieleka Eyayi i Nkumbu Avauka, Anene ya Nzambi”
“Kieleka Eyayi i Nkumbu Avauka, Anene ya Nzambi”
Nicholas wa mwisi Cusa wavova mvovo miami mun’elongi diandi muna mvu wa 1430. * Mambu mayingi kazola longoka, kansi wasia sungididi kiandi mu longoka Kingerekia, Kiyibere, filosofia, teologia, matematica ye zayi wa ntetembwa (astrologia). Muna kimbuta kia mvu 22, wakituka se doutor da Lei Canônica Católica Romana (Nlongi a Nsiku mia Dibundu dia Katolika). Muna mvu wa 1448 wasolwa se nganga (cardinal).
Vioka 550 ma mvu, Nicholas wa mwisi Cusa watungisa nzo ya lunga-lunga anunu kuna mbanza Kues, owau iyikilwanga vo Bernkastel-Kues, mbanza in’o ntau wa 130 ma kilometa kuna sude ya Bonn, Alemanha. Owau muna nzo yayi i mu lundilwanga tezo kia 300 za sono yankulu. Kimosi muna sono yayi kiyikilwanga vo Codex Cusanus 220, muna y’elongi kavova e Cusa muna mvu wa 1430. Mun’elongi diadi dina yo ntu a diambu vo In principio erat verbum (Muna Lubantiku Mwakal’e Diambu), Nicholas wa mwisi Cusa wasadila e mvovo wa nding’a Latin, Iehoua, una wasekolwa muna Kikongo vo Yave. * Muna lukaya lwa 56, muna ye mvovo kavova mu kuma kia nkumbu a Nzambi: “Eyayi i nkumbu kayivana o Nzambi. I Tetragrama, i sia vo, nkumbu ina ye sono yá. . . . Kieleka Eyayi i Nkumbu Avauka, Anene ya Nzambi.” E mvovo mia Nicholas wa mwisi Cusa mialudi, kadi e nkumbu a Nzambi yasonama muna Sono yankulu ya Kiyibere.—Luv. 6:3.
E sono yayi yasonama mu tandu kia 15, imosi muna sono yankulu ina yasekola sono yá ya nkumbu a Nzambi vo “Iehoua.” Umbangi wau wasonama i ziku kiakaka kisonganga vo e nsekola ya nkumbu a Nzambi vo “Yave” i nsekola itoma sadilwanga se tuka kolo.
[Mvovo Vana Yand’a lukaya]
^ tini. 2 Nicholas wa mwisi Cusa wayikilwanga mpe mu nkumbu a Nikolaus Cryfts (Krebs), Nicolaus Cusanus ye Nikolaus von Kues. Kues i nkumbu a mbanza kawutukila kuna Alemanha.
^ tini. 3 Ekani di’elongi dia Nicholas i yikama elongi dia Nzambi mu Ntatu.
[Foto ina muna lukaya lwa 16]
Nzo ya Lundila Nkanda ya Cusa