Nga Osungamenanga?

Nga wayangalele tanga malongi mavaika mun’Eyingidilu? Teza van’e mvutu za yuvu eyi yilende:

• Aweyi tulenda toma vovela ‘ndinga yavelela,’ e ludi mu kuma kia Nzambi y’ekani diandi? (Sef. 3:⁠9)

Nze konso ndinga, muna toma vova e ‘ndinga yavelela’ tufwete toma wunikinanga, yo tanginina ana betoma yo vovanga, sungamena e nkumbu za nkanda mina mu Nkand’a Nzambi ye yak’etini ya Nkand’a Nzambi, vutukilanga mana tulongokele, tanga mu nding’a wakana, fimp’e mvovo una misonamenanga ye una mivovelwanga, sia ngolo za nungunuka, sikidisa ntangwa ya longoka yo vovanga ndinga yavelela ntangwa zawonso.​—⁠15/8, lukaya lwa 21-​25.

• Adieyi tufwete zaya mu kuma kia Nzambi?

“Yave, i nkumbu andi,” ozolele vo twanzayila muna nkumbu yayi. (Luv. 15:⁠3) O Yave, “Nzambi a zola yo ungudi.” (2 Kor. 13:​11) “Nzambi a zayi” ye “luvuluku.” (1 Sam. 2:3; Nku. 25:⁠5) Nzambi ofinamang’awana banzeye.​—⁠1/9, lukaya lwa 4-7, mu Kimputu.

• E mvovo a ‘nsinga wa nzinga tatu’ aweyi ulenda sadilwa muna longo?

E mvovo a ‘nsinga wa nzinga tatu,’ kingana. (Kim. 4:​12) E kingana kiaki vava kisadilwanga muna longo, yakala yo nkento i nsinga miole miazingwa muna Yave wa Nzambi una vo i nsinga a sina. Sia Nzambi muna longo, kusadisanga yakala yo nkento mu kala yo nkuma wa singika mambu yo kubatwasila kiese.​—⁠15/9, lukaya lwa 16.

• Nkia “ngyambik’a moko” iyikwanga muna Ayibere 6:⁠2?

Ke tumbika kaka akuluntu Akristu ko, e ngyambik’a moko yayi i ntambik’a lukau lwa mwand’avelela kwa muntu mu vanga masivi. (Mav. 8:​14-17; 19:⁠6)​—⁠15/9, lukaya lwa 32.

• Ese diambote nkia nsatu za wan’andi kezayanga?

O wana edi bavwidi mfunu: (1) zolwa kwa se, (2) mbandu andi ambote, (3) fulu kiambote kia sansukila, (4) balongwa mambu ma mwanda, (5) elongi, (6) taninwa.​—⁠1/10, lukaya lwa 18-​21, mu Kimputu.

• Awana bevitang’o ntu aweyi balenda songela zitu kw’akaka?

Imosi muna mpila in’o nkuluntu kalenda wo vangila i lembi zolanga vo akaka bavanga dina ke bazolele ko. Lenda kubazitisa muna kubasongang’e kuma kia dina kabalombele mu vanga yovo kuma ki’elongi kavene.​—⁠15/10, lukaya lwa 22.

• Azeyi i nsabi muna zitisa nsilu a longo?

E nsabi zole i zazi: (1) Sianga longo lwaku va fulu kiantete. (2) Venga mavangu mawonso malenda kufila mu kondwa kwikizi muna longo. Longo lwaku lwakala lwasikila yovo mu vonza lwina, o nkaz’aku kafwete zaya vo luzolo lwa sikidisa longo una lwau. E nsabi zole zazi zilenda sadisa.​—⁠1/11, lukaya lwa 18-​21, mu Kimputu.

• O nkuluntu Ankristu adieyi kalenda longoka mu mpila in’o mvungudi muna Isaele kasadilanga nkau andá?

O mvungudi nkau andá kasadilanga mu fila ekambi diandi. Vava mameme makotanga yovo vaika muna mpaka, mafwete ‘viokela kunansi a nkau’ kimana matangwa kwa mvungudi. (Fuka 27:​32) Diau adimosi, o mvungudi una vo Nkristu kafwete toma zaya ekambi dia Nzambi dina kunansi a wisa kiandi yo zaya owu wina konso ememe.​—⁠15/11, lukaya lwa 9.

• O ngudi aweyi kalenda songela vo ozitisanga e nkala yavelela?

Madia malenda kota mvindu mu mpila zayingi. Muna kuma kiaki, avo se kasimba madia, entete osukulanga moko mandi yo fukila madia ntangwa zawonso. O velelesanga e nzo mu tinisa mpuku, mpese ye má yakaka ya moyo. Diambu diakaka kalenda vanga i sukulanga mvwatu. Mambu mama ngwizani mena yo Nkand’a Nzambi.​—⁠1/12, lukaya lwa 9-​11, mu Kimputu.