Dumbelele Kiavanina Kuna Mvevo

DUMBELELE kimosi kia mvu vwa kuna Brasil wakayisa nzimbu kakala zau mu kunku yole, e kiantete kiakala ye 18 dia dólar, ekiaka 25 ma dólar. Watula e kunku kiakala ye nzimbu zakete muna nkele ina mun’Eseka dia Kintinu mu lungisa nsatu za nkutakani. I bosi, watwika e kunku kiakala ye nzimbu zayingi kuna vula dia Mbangi za Yave kumosi ye nkanda. Wasoneka vo: “Nzolele vo lukau lwalu lwasadilwa mu nungununa salu kia nza yawonso. Etima diame, i sadisa mpangi z’akala ye z’akento mu nza yawonso mu samun’e nsangu zambote. Mpene lukau lwalu mu kuma kia zola kwame muna Yave.”

Mase ma dumbelele kiaki banlong’o mfunu wakuyivana muna salu kia samun’e nsangu zambote za Kintinu. Banlonga mpe o mfunu wa ‘zitisa Yave muna vwa kwandi.’ (Nga. 3:⁠9) Nze dumbelele kiaki, yambula twakala y’etima dia nungununa salu kia Kintinu, kiakala muna nkutakani yovo mu nza yawonso.