Nga Osungamenanga?

Nga wayangalele tanga malongi mavaikiswa mun’Eyingidilu? Avo i wau, teza van’e mvutu za yuvu eyi yilende:

• Nani ofwete longa wana oma ma Nzambi?

Kana una vo akaka balenda sadisa o se ye ngudi mu longa wana, mase yau bena ye mbebe ya longa wan’au oma Nzambi ye dina Nzambi kevavanga kwa esi nzo.—Oktoba-Desemba, lukaya lwa 7.

• O Nzambi adieyi kazola vova vava kavovesa Anelevi vo: “Omono i kunku kiaku”?

Konso ekanda dia Isaele diakala ye kunku muna nsi, kansi kuna kw’Anelevi Yave wakala se “kunku” kiau. (Nta. 18:20) Ke bavewa evwa dia ntoto ko, kansi bavewa elau diampwena dia salu. Kana una vo i wau, Yave walungisanga e nsatu zau nitu. O unu, awana besianga salu kia Kintinu va fulu kiantete balenda kala ye ziku vo e nsatu zau zilungiswa.—15/9, lukaya lwa 7-8, 13.

• O zitisa nkaz’aku ekuma dinina diamfunu?

O luzitu dimosi muna mambu mamfunu malenda sadisa mu kala ye longo lwasikila ye lwakiese. O luzitu kiese ye luvuvamu lutwasanga muna longo. O zitisa nkaz’aku nluta miayingi ditwasanga.—Oktoba-Desemba, lukaya lwa 12.

• Nki kilenda sadisa Nkristu mu zaya vo e nsaka kasolele zambote yovo zambi?

Muna zaya vo e nsaka osolele zambote ye ziyangidika Nzambi, diambote mu kiyuvula: Nkia nsaka nzolele sakana? Nkia ntangwa mfwete sakana? Aki nani isakana yau?—15/10, lukaya lwa 9-12.

• Nga tufwete futanga e mpaku?

Vava kayuvulwa kana vo diansongi vana meso ma Nzambi dia futa e mpaku kwa luyalu lwa Roma, Yesu wavutula vo: “Nuvana kwa Kaisa ina ya Kaisa, kuna kwa Nzambi ina ya Nzambi.” (Maku 12:13-17) O mvovo “Kaisa” ayadi a nza usunzulanga, ana bevaikisanga e nzimbu. Muna kuma kiaki, vana meso ma Nzambi, ayadi a nza bena yo nswa wa lomba vo o nkangu bafuta e nzimbu zazi mu mpaku.—Oktoba-Desemba, lukaya lwa 14, 15.

• E sono kia Ngana 7:6-23 aweyi kilenda kutusadisila mu venga e fu kia tala mavangu ma zumba?

E sono kiaki kiyikanga etoko dimosi diaviokela va fulu kiazayakana vo nkembi wazingila vo. O nkembi wamvukumuna. O unu, diambote twavenga e nzila za Internete zisonganga mavangu masafu. Diamfunu mu lomba lusadisu lwa Nzambi muna sambu una kwayantikidi sadila Internete ko.—15/11, lukaya lwa 9-10.

• Aweyi olenda zayila e nsambila aludi?

Asambidi akieleka bezitisanga o Nkand’a Nzambi nze Diambu diandi. Bezitisanga e nkumbu a Nzambi, Yave yo samuna oma ma Kintinu kia Nzambi. Asambidi akieleka ke ba nza yayi yambi ko, bezolanga muntu yo nkw’andi.—Oktoba-Desemba, lukaya lwa 16, 17.

• Nga Nzambi makanda keswaswanesanga?

Ve, ke vanganga wo ko. Nkand’a Nzambi utoma kiesesanga vo: ‘Nzambi ke swaswanesanga wantu ko, kansi muna zula yawonso, on’okumvumina yo vanga nsongi, wina y’edienga oku kena.’—Mav. 10:34, 35. Oktoba-Desemba, lukaya lwa 26.