Nga Osungamenanga?

Nga wayangalele tanga malongi mavaikiswa mun’Eyingidilu? Avo i wau, olenda van’e mvutu za yuvu eyi:

Nga ngolo za Samesone mu nsuki zandi zatukanga?

E ngolo za Samesone ke zatukanga kikilu muna nsuki zandi ko. Wau vo Samesone Mvambuki kakala, e nsuki zandi i sinsu kia ngwizani andi yo Nzambi. Muna kuma kiaki, vava Delila kanzenga nsuki e ngwizani yayi yafokoka. —15/4 lukaya lwa 9.

Nkia mpila tatu tulenda tatidila ntim’eto muna kimwanda nze una tulunga-lunganga ntim’eto muna kinitu?

(1) Madia. O ntim’eto muna kala yo vimpi, tufwete dianga madia mambote. (2) Nana e nitu. O salanga e salu kia umbangi yo vema dilenda kumika ntim’eto muna kimwanda. (3) Ekalu kia wantu. Muna kalanga entwadi ye mpangi zeto zakwikizi tulenda kulula ntelamwa ntima, kadi mpangi zeto betoma kutuvwanga o mfunu.​—15/4 lukaya lwa 16.

Aweyi olenda vengela umpukumuni wa nkwiya?

Kusadila konso lekwa ko kina ngwizani ye mavangu ma mpandu. (Mav. 19:19, 20) Vanga ngolo muna ‘finama Nzambi,’ toma kumbunda e vuvu vo osinga kusadisa mu vevoka emvimba muna umpukumuni wa nkwiya. (Yak. 4:7, 8)​—Yuli-Setemba, lukaya lwa 12.

Ekuma ke dinina diambote ko mu sadila e sono kia Nkunga 116:15 kele vo elongi dia lufwa lwa Nkristu ofilanga?

Sono kiaki kiyikanga vo: “Luantalu muna meso ma Yave, i lufwa lua minkwikizi.” E mvovo miami misonganga vo nze buka o lufwa lwa minkwikizi miawonso luantalu vana meso ma Nzambi. Yave ke yambula ko vo selo yandi nze buka bafukiswa emvimba ova ntoto.​—15/5 lukaya lwa 22.

Colportor aki nani bakala?

Vitila mvu a 1931 aviti a nzila bayikilwanga vo “colportor.”​—15/5 lukaya lwa 31.

Ekuma Ayuda akaka batela esakuba muna mpila Yesu kafwila?

Nkanda umosi uvovanga vo Ayuda muna tandu kiantete babadikilanga e mpila Yesu kafwila nze lufwa lwa nsoni. Babanzanga vo e mpila muntu kafwilanga, yasonganga kana nkia mpila muntu kakala. Muna kuma kiaki, Yesu wabadikilwanga vo wakondwa mfunu.—Yuli-Setemba lukaya lwa 13.

Aki nani i ‘atinu awaya awonso’ beyikwanga muna Daniele 2:44?

Ungunza wau yintinu yisunzulwanga kwa teke kiasasilwa kwa Daniele kaka uyikanga.​—15/6 lukaya lwa 17.

O Luyalu lwa nz’amvimba lwa Anglo-Americana nkia ntangwa lwakituka se luyalu lwa nsambwadi luyikwanga muna ungunza wa Nkand’a Nzambi?

Kintinu kiaki kiayantika vava Grã-Bretanha ye Estados Unidos banwana entwadi muna Vit’Antete ya Nz’Amvimba.​—15/6 lukaya lwa 19.

O Nzambi aweyi kelolokelanga yo vilakana masumu m’awana bevilukanga ntima?

Yave wavova mu kuma ki’awana kesonganga edienga vo: “O masumu mau kiyindula mo diaka ko.” (Yer. 31:34) Nzambi olenda loloka masumu muna lukûlu. Vava Nzambi kevilakananga masumu m’awana kelolokanga disonganga vo kalendi kubatumba diaka ko mu kuma kia masumu mana kaloloka.​—7/1, page 181/7 lukaya lwa 18.

Nkia nkanikinu milenda sadisa muntu mu kala ye zingu kiasikila kia kusentu?

Yindula nluta yovo mfwilu milenda twasa nzengo zaku. (Nga. 22:3) Toma fimpa mana omwene vo mambote kwa ngeye. Talanga kwandá. (Nga. 21:5) Vanga mawonso muna lungisa makani maku. (Yoa. 17:3)​—Yuli-Setemba lukaya lwa 18-19.

Nkia nkanikinu mia Nkand’a Nzambi milenda kusadisa mu zizidila mpasi za zingu?

Badika ntalu. (Luka 14:28) Soba mpil’a zingu kiaku. (Nga. 22:3) Vava salu kiakaka. (Nga. 29:25) Yangalala ina una yau. (Fili. 4:11, 12)​——Yuli-Setemba lukaya lwa 20-21.