Nga Osungamenanga?

Nga wayangalele tanga malongi mavaikiswa mun’Eyingidilu?

Avo i wau, teza van’e mvutu za yuvu eyi yilende:

Adieyi tufwete vanga muna venga mvovo mia losola-losola mina nze tiya?

E diambu diantete tufwete vanga i fimpa ntim’eto. Vana fulu kia kala ye ngindu zambi mu kuma kia mpangi eto, ekuma tulembi vava zayila e kuma tukunkumbilanga? Nga tukubakumbanga mu songa vo yeto tuviokele akaka? Vana ntandu, e fu kiaki mfwilu kaka kitwasanga.​—15/8, lukaya lwa 21.

Aweyi Nzambi kelolokelanga yo vilakana masumu ma awana bavilukidi e ntima?

Yave osianga nsilu kw’awana kesonganga edienga vo: “O masumu mau kiyindula mo diaka ko.” (Yer. 31:​34) Olenda loloka masumu muna nzila lukulu. Vava Nzambi kelolokanga, ovilakananga, i sia vo, keyindulanga diaka masumu mama ko y’ekani dia tumba.​—⁠Okutoba-Desemba, lukaya lwa 32.

Vitila lumbu kia Yave kiza, nkia mambu mebwa?

Wantu besinga vova vo “ngemba yo luvuvamu.” E zula inwanisa yo fwasa Babele Anene. O nkangu a Nzambi unwaniswa. E vita ya Armangedo iyantika. I bosi, Satana ye nkwiya miandi betubwa muna mbilu.​—15 /9, lukaya lwa 4.

O lembi zaya e lumbu kikwiza e mbaninu aweyi dikututwasilanga e nluta?

O lembi zaya e lumbu ngatu ola ikwiza e mbaninu dikutusadisanga mu sengomona makani ma ntim’eto. Dikutuvananga elau dia yangidika ntim’a Yave. Dikutukasakesanga mu kuyivana kuna mvevo. Dikutusadisanga mu toma bunda e vuvu muna Nzambi ye muna Diambu diandi. Vana ntandu, dikutusadisanga mu yambula vo mpasi tumonanga owau za kumika lukwikilu lweto.​—15/9, lukaya lwa 24-​25.

O Nzambi aweyi kefokolwela mpasi zitwasanga o wantu?

Nzambi otwasa e nz’ampa ya unsongi, awana kaka bezolanga muntu yo nkw’andi yo Nzambi i bezingila mo. (2 Pet. 3:​13) Nze ntinu kun’ezulu, Yesu osingika mawonso. (Yes. 33:24; Lus. 21:⁠4) ​—⁠Okutoba-Desemba, lukaya lwa 7. 

E “ntetembwa nsambwadi” zina vana koko kwalunene kwa Yesu ziyikwanga muna Lusengomono 1:​16, 20, nani zisunzulanga?

E “ntetembwa nsambwadi” zazi akuluntu akuswa kumosi ye akuluntu awonso muna nkutakani zisunzulanga.​—10/15, lukaya lwa 29.

Nkia nkanikinu mia Nkand’a Nzambi milenda kutusadisa mu zaya nyindu a Yave mu kuma kia nua fomo?

Nzambi ozolanga vo twazitisanga moyo. (Nsi. 5:​17) Okutukanikinanga vo twanzola kumosi ye mfinangani zeto. (Maku 12:​28-​31) Ovavanga vo twavenga mavangu masafu. (2 Kor. 7:⁠1)​—⁠Okutoba-Desemba, lukaya lwa 15.

Aweyi Yesu kasongela fu kia lulembamu kiyikwanga muna Yesaya 50:​4, 5?

E sono yayi iyikanga vo ndiona una ye “lubini lu’alongoki” ‘ke vutuka manima ko’ yovo kolama. Yesu wasonga fu kia lulembamu muna sianga sungididi mu mana S’andi kanlonganga. Yesu wakala y’etima dia longwa kwa Yave, wamonanga mpe lulembamu lwa Yave muna mpila kasongelanga e nkenda kwa wantu asumuka.​—15/11, lukaya lwa 11.

Nkia nluta tulenda vwa vava tusonganga ngemba?

Vava tusonganga ngemba kw’akaka, tulenda toma zaya Nzambi yo kututwasila kiese kiayingi. (Yoa. 4:7; Mat. 5:​7, 8) Vana ntandu, Yave oyangalelanga evangu dia songa e ngemba kw’akaka. (Nga. 19:17)​—⁠Okutoba-Desemba, lukaya lwa 20.