Nga wayangalele tanga malongi mavaikiswa mun’Eyingidilu?

Avo i wau, teza van’e mvutu za yuvu eyi yilende:

O mwan’ememe dia Nduta nkia ntangwa kavondwanga muna lumbu kia 14 kia ngonde a Nisani?

Nsekola zakaka za Bibila zisonganga vo ememe dia nduta diavondwanga kuna “masika,” i sia vo, kuna ndimuk’a ntangwa vitila kuma kwabwita. (Luv. 12:6)—15/12, lukaya lwa 18-19.

Nkia nkanikinu mia Nkand’a Nzambi balenda sadila aleke muna baka nzengo zambote?

Vena ye nkanikinu tatu: (1) Tombel’ekulu e Kintinu kia Nzambi ye ndungidi andi. (Mat. 6:19-34) (2) Kala ye kiese kia sadila akaka. (Mav. 20:35) (3) Kala ye kiese kia sadila Yave muna kileke. (Kim. 12:1)—15/1, lukaya lwa 19-20.

Nkia anati yá a mvalu bayantika lundumuka tuka muna mvu wa 1914?

Yesu ona ovwende vana mvalu ampembe, wayinga Satana ye nkuya miandi kuna zulu. Ona ovwende vana mvalu ambwaki osunzulanga vita zitwasanga ulolo wa mpasi kwa wantu. Ona ovwende vana mvalu andombe osunzulanga e nzala. Ona ovwende vana mvalu asêboka otwasanga lufwa muna vuku yampondi, eyi ivondanga ulolo wa wantu. (Lus. 6:2-8)—1/2, lukaya lwa 6-7.

Nkia ntangwa lukala “longo lwa Mwan’ememe”? (Lus. 19:7)

“Longo lwa Mwan’ememe” lukala vava Yesu Kristu wa Ntinu kefokola e nsund’andi, i sia vo, vava kivioka lufwasu lwa Babele Anene ye vita ya Armangendo.—15/2, lukaya lwa 10.

Ekuma Ayuda muna lumbu ya Yesu bakadila ye vuvu muna ngiz’a Masia? (Luka 3:15)

Ke tuna ye ziku ko vo Ayuda muna tandu kiantete babakulanga ungunza wa Daniele mu kuma kia Masia nze una tubakulwilanga wo. (Dan. 9:24-27) Kansi, nanga bawá dina ambasi bavova kw’avungudi yovo dina Ana wa ngunza kavova vava kamona Yesu wa nsedia muna tempelo. Vana ntandu, e nganga zayenda vava ‘ntinu a Yuda ona wawutuka.’ (Mat. 2:1, 2) Kuna kwalanda, Yoane wa Mvubi wavova vo ke kolo ko, Kristu omoneka.—15/2, lukaya lwa 26-27.

Aweyi tulenda vengela vo Elo eto yakituka Ve? (2 Kor. 1:18)

Ezak’e ntangwa, diambu dia kinsalukisa dilenda kutufila twalembi lungisa e mvovo mieto. Kansi avo tusidi nsilu, tufwete vanga mawonso tulenda muna wo lungisa.—15/3, lukaya lwa 32.

Aweyi tulenda sundila e ntonta za tala mavangu ma zumba?

Vena ye mambu tatu malenda kutusadisa: (1) Vengesa vana vau e meso meto muna mambu ma nsoni. (2) Lunga-lunga e ngindu zeto muna yindulanga oma mambote yo samba kwa Nzambi. (3) Lunga-lunga ntambi zeto muna venga tala filme yovo nzila za Internete zisonganga mavangu ma zumba.—1/4, lukaya lwa 10-12.

Nkia vonza dilenda twasa avo Nkristu osisidi esi nzo andi yo kwenda vavi nzimbu mu nsi yakaka?

Vava mase besisanga esi nzo zau yo kwenda zingila kwakaka, dilenda twasa mpasi kwa wana yo yivisa fu yau. Dilenda kubafila mu lembi yangalela diaka mase mau. O yakala yovo nkento osisanga nkaz’andi olenda wanana ye ntonta za tá zumba.—15/4, lukaya lwa 19-20.

Ekuma yimpumbulu bakomwanga vana nti batololwelwanga malu?

Esi Roma bakomanga yaka yimpumbulu vana nti muna kubavonda. Ayuda balomba vo e malu ma yimpumbulu ana bakomwa vana ndambu a Yesu matololwa. Vava batololwanga malu, yimpumbulu ke balendanga diaka toma fulumuna ko. Ediadi diasazulanga lufwa lwau. Mu mpila yayi, ke diavavanga ko vo bakala vana nti fuku wawonso. (Nsi. 21:22, 23)—1/5, lukaya lwa 11.

Nkia yuvu yá tufwete sungamenanga vava tumokenanga yo wantu muna salu kia umbangi?

Nani imokenanga yandi? Akweyi imokenenanga yandi? Nkia ntangwa ndenda mokena yandi? Aweyi mfwete mokenena yandi?—15/5, lukaya lwa 12-15.

Yamu nkia tezo e fomo ivondelanga wantu?

Mu mvu nkama miviokele, e fomo yavondele tezo kia 100.000.000 ma wantu. O unu, tezo kia 6.000.000 befwanga mu kuma kia nua fomo.—1/6, lukaya lwa 3.