Nga Nzambi Una ye Nkumbu?
Nga Nzambi Una ye Nkumbu?
Mvutu zivewanga i zazi:
▪ “Nkumbu andi Mfumu.”
▪ “Kena ye nkumbu ko.”
O Yesu adieyi kavova?
▪ “I nsamba yiyi nusamba: E S’eto koko’zulu, yambula nkumbu aku yazitiswa.” (Matai 6:9) Yesu wakwikilanga vo Nzambi una ye nkumbu.
▪ “Yabazayisa nkumbu aku, nzayisa yo mpe; o zola kuna wanzola kwakal’omu yau, omono mpe omu yau.” (Yoane 17:26) Yesu wazayisa e nkumbu a Nzambi.
▪ “Ke nukumbona ko, yavana nuvova vo, nkwa nsambu, ndioyu okwizila muna nkumbu a Yave.” (Luka 13:35; Nkunga 118:26) Yesu wasadila e nkumbu a Nzambi.
NZAMBI okutuzayisanga nkumbu andi. Ovovanga vo: “Omono i Yave; eyayi i nkumbu ame.” * (Yesaya 42:8) E nkumbu Yave, yatoma zayakana muna Kikongo vo i nkumbu kayivana o Nzambi. Nanga olenda sivika mu zaya vo e nkumbu yayi muna sono ya Kiyibere, nkumbu yovo fulu yayingi yasonama muna Nkand’a Nzambi wasonamena mu moko. Kieleka, e zina diadi, i nkumbu isundidi yikwa muna Nkand’a Nzambi ke mu nkumbu zakaka ko.
Akaka vava beyuvulwanga vo, “e nkumbu a Nzambi nani?” Bevutulanga vo, “Mfumu.” Diau adimosi kwandi ye muntu oyuvwilu vo nani ovotelo? Ovutwidi vo, “mosi muna yau.” Kavene mvutu zasikila ko kadi, e “Mfumu” ye “mosi muna yau,” ke nkumbu ko.
Ekuma Nzambi katusengomwena e nkumbu andi? Wavanga wo kimana twanzaya. Muna bong’e nona, muntu olenda yikilwa vo Mfumu, Patrão, Tata yovo Nkaka. Mazina mama, diambu mesonganga mu kuma kia wantu awaya. Kansi, e nkumbu a muntu ikutusungamesanga mawonso tuzeye mu kuma kiandi. Diau adimosi mpe, e mazina Mfumu, Mpungu-ngolo, Ese ye Mvangi, mekutusungamesanga mavangu ma Nzambi. Kansi, e nkumbu andi Yave, ikutusungamesanga mawonso tuzeye mu kuma kiandi. Aweyi lenda zayila Nzambi kele vo kuzeye nkumbu andi ko?
Diamfunu twasadilanga e nkumbu yayi ke zaya yo kaka ko. Ekuma? E kuma kadi Nkand’a Nzambi ukutuvovesanga vo: “Konso on’ovovel’e nkumbu a Yave, ovuluzwa.”—Roma 10:13; Yoele 2:32.
[Mvovo Vana Yand’a lukaya]
^ tini. 9 Muna zaya maka mambu mu kuma kia nsasa nkumbu a Nzambi y’ekuma e nkumbu yayi ke inina ko muna nsekola zakaka za Nkand’a Nzambi, tanga muna nkanda, O Nkand’a Nzambi Adieyi Kieleka Kelonganga? lukaya lwa 195-197, wavaikiswa kwa Mbangi za Yave.
[Babu kina muna lukaya lwa 6]
Muntu olenda yikilwa vo Mfumu, Patrão, Tata yovo Nkaka. Kansi, e nkumbu a muntu ikutusungamesanga mawonso tuzeye mu kuma kiandi