Malongi ma Yesu Kristu Mesimbanga e Ntima mia Wantu

“Kieleka, e kimbangi kia malongi ma [Yesu] wa nkwa ngangu wa mwisi Kafanau, masundidi o mfunu yamu wau, kadi mesimbanga e ntima ye ngindu za wantu ana bebakulanga mo.” *​—⁠Ukavova NSONEKI MOSI, GREGG EASTERBROOK.

MVOVO mivwidi nkuma. E mvovo miatoma solwa ye mia ngangu milenda simba ntima mia wantu, kubavana e vuvu yo soba e zingu kiau. Ka vena muntu ko ova nza osadilanga e mvovo mia nkuma nze Yesu Kristu. Mosi muna awana bawá Elongi dia Yesu vana Mongo edi ditomene zayakana, wasoneka vo: ‘O Yesu, vava kamana vova mambu mama, e ndonga iyizengenekene mu kuma kia malongi mandi.’​—⁠Matai 7:⁠28.

Yamu unu, wantu mu nza yawonso batomene zaya e mvovo mia Yesu. Wá e miaka mvovo miazala ye nsasa.

“Ke nulendi sadila Nzambi yo Umvwama ko.”​—Matai 6:⁠24.

“Konso una nuzolele o wantu vo banuvanga, i nuvanga mpe kwa yau.”​—Matai 7:⁠12.

“Nuvana kwa Kaisa ina ya Kaisa; kuna kwa Nzambi ina ya Nzambi.”​—Matai 22:⁠21.

“Edi diviokele e nsambu, dia vana, ke mu tambula ko.”​—Mavangu 20:⁠35.

Yesu mayingi mpe kavanga, kavova kaka mvovo milenda sungamenwa ko. E nsangu kasamuna za nkuma, kadi ludi zizayisanga mu kuma kia Nzambi, zisonganga mpe una wantu balenda zayila e nsasa zingu yo kiesesa vo Kintinu kia Nzambi kaka kifokola e mpasi za wantu. Elongi dilende, disonga ekuma malongi ma Yesu mesimbilanga e “ntima ye ngindu za wantu ana bewanga mo.”

[Mvovo Vana Yand’a lukaya]