Ungunza 1. Nzakama Za Ntoto

“Mukala nzakama zangolo za ntoto.”—LUKA 21:11.

● Winnie una ye kimbuta kia mvu mosi ye ndambu wavuluzwa muna sumbula kia nzakama a ntoto kiabwa kuna Haiti. E buka kia amwangi a nsangu mu televizau bayenda va fulu kiaki, bawá vava o mwana ndioyo katatanga. Wavuluka muna sumbula kiaki, kansi mase mandi bafwa.

MAMBU MEBWANGA NKIA ZIKU MESONGANGA? Vava nzakama yangolo ya ntoto yabwa kuna nsi ya Haiti muna ngonde a Yanuali 2010, tezo kia 300.000 ma wantu bafwa. Mazunda ye mazunda bavidisa e nzo zau. Kana una vo e nzakama yayi ya ntoto yangolo yakala, eyayi ke nkumbu antete ko o ntoto wazakama. Tezo kia 18 dia nzakama zangolo za ntoto zibwidi kala omu nza yawonso tuka muna ngonde ya Abidi 2009 yakuna Abidi 2010.

WANTU ADIEYI BETOMA VOVANGA? O wantu bevovanga vo umbangu wa tandu kiaki usadisanga kinumana valembi bwa nzakama zayingi za ntoto. O unu, wantu belendanga kuyitanina muna sumbula yayi kansi, o wantu muna tandu yavioka ke bakala ye umbangu wau ko.

NGA E MVOVO MIAU MIALUDI? Badika e diambu diadi: Nkand’a Nzambi ke uyikanga lutangu lwa nzakama za ntoto ko zibwa o mu lumbu yayi yambaninu. Kansi, uvovanga vo mukala “nzakama zangolo za ntoto” ‘mu fulu yayingi’ mu songa vo e nzakama za ntoto i sinsu kisonga vo mu lumbu yambaninu se tuna.—Maku 13:8; Luka 21:11.

ADIEYI OBENZE? Nga tumonanga nzakama zangolo za ntoto nze una Nkand’a Nzambi wasakula?

Ke nzakama za ntoto kaka ko zisonganga vo mu lumbu yambaninu tuzingilanga. Ke ungunza wa nzakama za ntoto kaka ko ulungananga o unu. Badika diambu diazole.

[Mvovo mia Sina mina muna lukaya lwa 4]

“Kuna kwa yeto [tulongokanga oma ma ntoto] tuyikilanga zo vo nzakama zangolo za ntoto. Wantu akaka beyikilanga zo vo sumbula.”​UKAVOVA—KEN HUDNUT, MWISI ESTADOS UNIDOS OLONGOKANGA MAMBU MA NTOTO.

[Avwe a Foto muna lukaya lwa 4]

© William Daniels/​Panos Pictures